Popular Bible Verses from यर्मिया 11

Share

तैंले तिनीहरूलाई भन्, परमप्रभु इस्राएलका परमेश्‍वर यसो भन्‍नुहुन्‍छ: ‘यस करारका शर्तहरूलाई पालन नगर्ने मानिस श्रापित होस्‌— करारका ती शर्तहरू जो मैले तिमीहरूका पिता-पुर्खाहरूलाई मैले फलामको भट्टी, अर्थात्‌ मिश्रदेशबाट निकालेर ल्‍याउँदा तिनीहरूलाई आज्ञा गरेको थिएँ’। ‘मेरो आज्ञापालन गर, र मैले तिमीहरूलाई आज्ञा गरेका सबै कुरा मान, र तिमीहरू मेरा प्रजा हुनेछौ, र म तिमीहरूका परमेश्‍वर हुनेछु।

तर हे सर्वशक्तिमान्‌ परमप्रभु, तपाईं जसले धर्मसित न्‍याय गर्नुहुन्‍छ, र हृदय र मनको जाँच गर्नुहुन्‍छ, तपाईंले तिनीहरूमाथि बदला लिनुभएको म देख्‍न पाऊँ, किनभने तपाईंलाई नै मैले मेरो मुद्दा सुम्‍पिदिएको छु।

तर तिनीहरूले ध्‍यानसित सुनेनन्, अथवा मेरा कुरामा कान थापेनन्‌। त्‍यसको सट्टा तिनीहरू आफ्‍ना-आफ्‍नै दुष्‍ट हृदयको हठीपनामा लागिरहे। करारका सबै भागहरू पालन गर्नू भनी मैले आज्ञा गरेको थिएँ, तर तिनीहरूले सो पालन गर्न इन्‍कार गरे। त्‍यसैले करारका सबै श्रापहरू मैले तिनीहरूमाथि ल्‍याएँ’।”