Popular Bible Verses from यशैया 26

Share

जसको मन तपाईंमा अड़िएको छ, त्‍यसलाई तपाईंले पूरा शान्‍तिमा राख्‍नुहुन्‍छ, किनभने त्‍यसले तपाईंमाथि भरोसा राख्‍छ।

सदासर्वदा परमप्रभुमा भरोसा राख, किनभने परमप्रभु, परमप्रभु नै सनातनका चट्टान हुनुहुन्‍छ।

राती मेरो प्राणले तपाईंको लालसा गर्छ। बिहान मेरो आत्‍माले तपाईंको चाहना गर्दछ। जब तपाईंको न्‍याय पृथ्‍वीमा प्रकट हुन्‍छ, तब संसारका मानिसहरूले धार्मिकता सिक्‍छन्‌।

हे परमप्रभु, तपाईंले हाम्रा निम्‍ति शान्‍ति स्‍थापित गर्नुहुन्‍छ। जो हामीले सफलतापूर्वक प्राप्‍त गर्‍यौं, ती सबै तपाईंले नै हाम्रा निम्‍ति गर्नुभएको हो।

हे परमप्रभु, तपाईंका इन्‍साफको मार्गमा, हामी तपाईंलाई पर्खन्‍छौं। हाम्रा हृदयको इच्‍छा तपाईंकै नाउँ र तपाईंकै सम्‍झनामा छ।

धर्मीको बाटो सोझो हुन्‍छ। हे धर्मी जन हो, तपाईंले नै धर्मीको बाटो सोझ्‍याउनुहुन्‍छ।

उच्‍चमा बस्‍नेहरूलाई उहाँले विनम्र तुल्‍याउनुहुन्‍छ। उच्‍च सहरलाई उहाँले होच्‍याउनुहुन्‍छ। उहाँले त्‍यसलाई जमिनको सतहसम्‍म झारिदिनुहुन्‍छ। उहाँले त्‍यसलाई धूलोमा फालिदिनुहुन्‍छ।

मूल ढोकाहरू खोल र धार्मिक जाति, अर्थात्‌ विश्‍वास कायम राख्‍ने जाति पस्‍न सकून्‌।