Popular Bible Verses from Felepiɛŋ 4

Share

Káfe kpaaŋ mɛni kélee ma, kɛ́lɛ, Ɣâla fɛliɛ su da mare-kɛɛ é pɛ́lɛ sɛɣɛi-fei ma, mɛni kélee ka ŋ̀wɛ̂lii ka ǹɛɛ naa Ɣâla é gɔ́lɔŋ.

Ŋ̀âla-lii-sêei, nyíi dɛɛ̂i táre kélee mai, a pâi kálii mɛi kâai, da kákili, Kúnuu-namui Zîsɛ Kôrai sarâi.

Gbɛɛ ŋái, ŋánûa, m̀ɛnii nyíi kélee gáa a tɔ̃yâi, zɛŋ nyíi kélee ƃaa kɛ́-maa káa mai, tenîŋ mo-mɛni kélee, zɛŋ nyíi kélee maa waâi, zɛŋ nyíi kélee ǹɛ́lɛɛ̂i, zɛŋ nyíi kélee laa-maa-tɛ káa mai, mɛni lɛ́lɛɛ kélee à kɛ̀ naa, da zɛŋ nyíi kélee maa nɛ̃ɛ̂i dí ǹáa maa tɛ́i, ka kákili ŋá sia é pîlaŋ dîa.

Ŋa pɔ̂ri mɛni kélee kɛ̂i gbonôi nyíi a ŋ́gbonoi kpanaŋ.

Ka lii-nɛ̃ɛ kula Kúnuu-namui kponôi a ɣele kélee. Ŋa ŋɔ́nɔ m̀ôi káa a gɛ́ɛ ká lii-nɛ̃ɛ kula.

Ŋáɣâlai a pâi kánîa-sɛŋ kélee tɛɛ̂i kápɔ é kúla ŋɔfólo-laai su-tɔɔ-laai su Zîsɛ Kôrai kponôi.

Mɛni-ŋai kélee ká maa kɔ́ri ńyêei, ká zɔlɔ ƃó ńyêei, ká mɛni ǹái, ká ŋ́gaa gɛ̂i, ka díkɛ. Nii-see-Ɣalai a pâi kɛ̂i kákɔlɛ.

Tɔɔ núu kélee é kálii-lɛ̂lɛi kɔlɔŋ. Kúnuu-namui a nâa lɛɣɛ.

Ŋa berei kɔlɔŋ ŋa pɔ̂ri ŋ́gbîŋ maa yenîi lai. Ŋa berei kɔlɔŋ ŋa pɔ̂ri sɛŋ támaa sɔlɔ ƃôi lai. Pere sii kélee su ŋa táre kɔlɔŋ berei ŋa pɔ̂ri pelâi la da berei ŋa puru siɣêi la, berei ŋa pɔ̂ri sɛŋ támaa sɔlɔ ƃo la da berei ŋa pɔ̂ri kɛ̂i la a kôlo-nuui.

Fé ŋ̀wɛ̂lii ŋa mɛni da kélee ƃo é pîlaŋ sɛŋ nyíi kélee ma ŋa ŋ̀wɛ̂lii. Kpɛ́ni fêi, ŋá nâa gɔ́lɔŋ a gɛ́ɛ à nɛ̀ɛ ma ŋ́gɛ-pere é kɛ́ leŋ, ńii lâai.