Popular Bible Verses from Zɔ̂ŋ 19

Share

Tãi Zîsɛ è ŋwã̂ai-kponai sɔlɔ ƃò la, è mò, ǹyɛɛi, “Aâ kpɛɛ”. È ŋ̀uŋ ma pìlaŋ é sáa.

Nyiŋi pôlu ma Zîsɛ è gɔ̀lɔŋ a gɛɛ gélee a nâa kpɛɛ a gɛɛ Ŋ̀âla-kɔlɔi wóo ŋa-see é kɛ́, nya ƃe e mò, ǹyɛɛi, “Kpele-wɛli a ŋ́gɛ̂i.”

Tãi Zîsɛ e ǹee kàa da ŋɔpôlu-nuui, nyii e ŋ̀wɛ́li ni, tɔɔ níi gɔlɛ, e mò ǹee ma, ǹyɛɛ ma, “Nɛnîi, íloŋ káa!” È kɛ̀ ti, è mò ŋɔpôlu-nuui ma, ǹyɛɛ ma, “Ílee káa!” É síɣe tãi ti ma, ŋɔpôlu-nuui è lì la gbîŋ-pɛrɛi lá.

Kɛ́lɛ tãi dí pà la Zîsɛ ma, dí gáa a gɛɛ a nâa saai, dífe gɔ́ɔ ɣále ní. Kɛ́lɛ, ǹɔii maa kpɛ́-ƃelai dɔnɔ è zɔ̀ɔ bɛ̂rɛ ma a kpála. È kɛ̀ tí, ŋãa da yá dí kùla naa kpɔ́ a maa félaa.

Kpɛ́ni fêi, mɛni-ŋai ŋí dí kɛ̀ a gɛɛ Ŋ̀âla-kɔlɔi ŋ̀óo ŋ̀aa-see é kɛ́, nyii mò, ǹyɛɛi, “Gáo da fé pâi ɣálêi.” Ŋ̀âla-kɔlɔi ŋ̀óo da kpɛ́ni a mò, ǹyɛɛi, “Da pâi gâai ǹúui dí zɔ̀ɔ a kpálai.”

È kɛ̀ tí, dí Zîsɛ sòŋ é ŋɔsaa-wuruii síɣe é lí la ƃɛ́i da kɛ̂ ma ŋuŋ-konoŋ-kwaai ma, nyii da kɛ̂ ma Ibulu-wooi su Gâagɛta.

Gɔkuluƃa-ŋai dí ŋalêŋ-ƃɔrɔ pàla dí zee ŋ̀ûa. Dí yokpo kpɔlu-mu-tɛiɣɛɛ tóo ma.