Popular Bible Verses from Ibulu 4

Share

Ɣâla ŋɔwóoi káa a vúlu gɛ́ tíi kɛ̀ ŋá liɣɛɛ é tɛ́ɛ ƃóa-sɔkpɔ ma nyíi ŋá káa gwaa feerɛ mai, gɛ́ lɔ́ fúlu-laa da mɔlêŋ díloai é lɛ́ɛ la zu é seri ƃɛi díŋa kɔlɛɛ̂i naai, gɛ ŋɔ́nɔ lɔ́ núu kao kpulɔ̂ŋ-ŋá da gao su kpɔrɔ díloai é lɛ́ɛ la zu é seri ƃɛi díŋa kɔlɛɛ̂i naai. Ɣâla ŋɔwóoi a kúlii ŋɔkili-ŋa-siai da ŋɔmɛni-kpɛtɛɛi kɛ̀ a zu ponoɔ.

Mɛni ma kwaa lɛ́ɣɛ mɛlɛ-sêe see-sɛŋ kɔlɛ a laa-la a gɛɛ kú maloŋ kâa sɔlɔ ƃó kú ƃɛlɛ-sêe káa kpɔŋ mâa mɛni ma tãi kwa kpɔŋ mâa wɛ̀li lai.

Kpɛ́ni fêi, zâla láa soŋ-nuui gáa kúyêei vé a zâla láa soŋ-nuu nyíi pɔ̂ri fé mì a gɛɛ é kúmalôŋ káa kúfii-kpɛɛi sui, kɛ́lɛ, gáa a zâla láa soŋ-nuui nyíi su-kɔɔ̂ŋ è pà bɔ̀ pere sii kélee su yɛ̂ɛ kúai. É máŋ kɛ́ tí vé sɔnyɔ̂ŋ kɛ́ ní.

Fúlu-sɛŋ kélee da fé loo ní ma, kɛ́lɛ, gélee puɔɔ̂i fíyeŋ ŋá ŋ̀ɛi-tuɛ, nyíi gáa a ǹúui kwa dîa-ni kwa tíi kɛ̀i.

Mɛni ma tãi Ɣâla Ǹóŋ Zîsɛ Kôrai káa la kúyêei a sâla láa soŋ-nuu kɛ́tɛ nyíi tɛ̀ɛ ŋele-ŋai sui, kwaa kúlaa-lai sôŋ a gbanaŋɔɔ.

Mɛni ma, kwaa kɔ́ kpɔ́ a gbanaŋɔɔ a gɛɛ kú lí vii-tɔɔi tí su a gɛɛ kúfe kɛ̀ a ǹûai woo-mɛni fé díyêei, kú tóo yɛ̂ɛ berei ǹûai dí gɛ̀ lai.