Popular Bible Verses from Ɛtɛ 6

Share

Gâloŋ Atasɛra fé nyìi ní a gbínii tí. È mò a gɛɛ dí pá a ǹɔii ŋɔmɛni-pɔlɔ kɔlɔi dí ǹóno mì. Gɔlɔi m̀ɛ́i dí ǹaa lònoi, è kɛ̀ a bîlaŋɔɔ m̀ɛnii ma Mɔdikai è gɛ̀ gâloŋ mii. Nya ƃa tãi Bitanaŋ da Tɛrɛsi dí gbɛ̀tɛ la a gɛɛ dí gâloŋ paai. Mɔdikai è wɔ́lɔ lì é m̀ó gâloŋ ma. Ǹûai ŋí ƃé kɛ̀ a gâloŋ ŋɔkpôŋ-lá mɛi káa-ƃelai láa túɛ-ƃela.

Tãi Emaŋ è lɔ̀ lai, gâloŋ è m̀arê kɛ̀ ǹyɛɛ mai, “Ílâai la lé ƃaa kɛ́-maa sii ƃé ŋa pɔ̂ri dɛɛ̂i ǹúui pɔ́ nyii maa mɛ́ni a ńii laai?” Emaŋ è m̀o ǹíi su pere ǹyɛɛi, “Gbɛ̂ɛ ƃé gâloŋ a pɔ̂ri ƃaa kɛ́-maa tɛɛ̂i bɔ́ é kúla ḿbôlui?”

Nya ƃe gâloŋ è mò mà ǹyɛɛi, “Lí a maa félaa í pá a ŋá sêɣei da, da kaloŋ-ƃɔrɔ é pɛ́lɛ ŋásooi ma. Gɛ́ nɔ́ Zuda-nuui Mɔdikai mì yɛ̂ɛ berei yá kpîŋ í mò lai. Ya pâi gâai seêni gâloŋ pɛrɛi láƃelei. M̀ɛni-ŋai kélee í mòi, gɛ́ mì. Ífe da lɛ̀ɛ pôlu.”