Popular Bible Verses from Kolasiɛŋ 2

Share

Mɛni ma berei ká Kúnuu-namui Zîsɛ Kôrai sɔlɔ ƃô lai, ka kɛ́ ti gbonôi. Ka kásame píli gbonôi ka ƃɔlɔ naa, kákponôi é kpanaŋ naa-lai su, yɛ̂ɛ berei dí nɛ̀ la kâai. Sɛɣɛi-fei támaa é kɛ́ káyêei.

Ka kámɛi káa a gɛ́ɛ núu da fé káƃòo a táre-lono-ŋa da núu pɛlɛ-woo kpɛ́ni-kpɛni-ŋa yɛ̂ɛ berei núu-kpune tua-pere káa lai, yɛ̂ɛ bere ŋɔ́nɔ ŋ̀éniɛi su tua-perei káa lai. Dífa Kôrai ŋɔsɛŋ-lɛɛi maa-tua kɛ̀.

Ká kɛ̀ a kásâa tɔ̂ŋ karaa su. Dífe kásee-ní kpono mâ. Kɛ́lɛ, Ɣâla è ká kɛ̀ a káfulu ka Kôrai-ni, é kútɔ̂ŋ karaa-ŋai kélee su-mɛni lɛɛ. È kútɔ̂ŋ karaa-ŋai maa-kpa-kɔlɔi su kara da dɔ̂ŋ-ŋai fɛ̂ɛ kɛ̀ kúmɛi káai, nyíi-ŋai kɛ̀ a bɔ̃̀yɛ ŋɔkpa-kɔlɔi sui. È dɔ̂ŋ-ŋai ŋí kpera a díkpamoɔɔ zaa-wurui ma.

Kpɛ́ni fêi, Ɣâla Ŋɔɣâla-laai kélee káa gbonôi. Káfulu-laai láa a fɛ́ɛ Kôrai kponôi, nyíi gáa a nuu-mɛi-ƃelai kélee díŋuŋ-tuɛ-nuu da wála-wala kéleei.

Mɛni ma káfe ǹɛɛ naa núu da é kámɛni ŋá tee a mii-sɛŋ ka mii, kpaa máŋ gbele-sɛŋ ka gbelei, kpaa máŋ a kúu kɛ́ɛ, kpaa máŋ ŋáloŋ ninai maa-mɛni, kpaa máŋ Vii-tɔɔ-ɣelei. Nyii-ŋai ŋí káa nɔ́ a ǹúui pâi ǹinîŋ. Maa-nuui kpîŋ ƃa Kôrai.