Popular Bible Verses from Kɔleŋtiɛŋ Veerɛi 4

Share

Kpɛ́ni fêi, kúkili fé zãâi dîa nyíi-ŋai kwa díkaâi, kɛ́lɛ, kúkili káa zãâi dîa nyíi-ŋai kúfa díkaâi. Kpɛ́ni fêi, zãâi kwa díkaâi da pâi tɛɛ̂i, kɛ́lɛ, zãâi kúfa díkaâi díkaa nɔ́ naa wɔlɔ-wɔlɔ.

Mɛni ma kúfii fé kpɛ̀ɛ. Berei máŋ kúkpono a pɔlɔ̂i la a tãi kéleei, kúmɔlêŋ káa kɛ̂i nɔ́ a nina a ɣele kélee. Kpɛ́ni fêi, tãi kpuâi ŋí su m̀ɛni-kpɔ̂lu-loŋ a wɔlɔ-wɔlɔ folo-laa kɛ́tɛ kpɛtɛ̂i ká mɛni ma, nyíi gɔ̀ɔŋ-maa fé mai.

Mɛni-kpɔ̂lu a pâ kúpɔ pere sii kélee su, kɛ́lɛ, va kúyee mɛi ɣale. Kúpɛlɛ a pû, kɛ́lɛ, kúfii fa kpɛ̂ɛ. Da kúkpɔara, kɛ́lɛ, kúwɛli-kɛ-maa-ƃelai dífa dípôlu tɔ̀ɔ kûa. Dí kútòo, kɛ́lɛ, kúsu fé kara ni.

Kɛ́lɛ, dɔɔ-sɛŋ ŋí káa kúyêei pɔrɔ-leɣi su, nyíi a nɛ̀ a gɛ́ɛ ŋwála-wala su-kɛ́tɛi ŋí fa kûla kúyêei, kɛ́lɛ, a kûla Ɣâla yêei.

Diai laa-la fé díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔkɔɔŋ.

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.