Popular Bible Verses from Sam 37

Share

Gata Buyambam tapaekan bakngayo. Bakngawi sanga gata nataau ita asiknga gamik.

Gata kayuk yutnanga akngaka Buyambam tapae kataune teyo. Baniu ie kekeknga siwi ita akgatanggamik.

Gata Buyambam tapae wesim kuke wepda yuyo. Gatu musip kwikwik yuke kayuwi ita apme gatanggamik. Gata aminu waiaknga takngatu takngatu tasiwawa buyana aawan sanga noman nomana kwaapzang pakaing aminde ma geenguwim. Siakan siknga, gatane natdetdetda atangu sanga waaminda wa pakaingge nangaakanu ma natake unzingu ma tasiwim.

Gata Anutuekan banip siknga siyo. Sike noman takngakan tasiyo. Unzing tasikengu gata take asinggan kepbane yuya. Siwan sanga tapatuta ga dua tasiwan maiya.

Sike Buyambam tapata aminu tapatutane yuyukngae take natakengu ita akekekangaman kepi noman kunggak. Aminu waapa apimake ngana meya dua kawik. Aho, Buyambam tapata katakngine take tangenawan kekeknga gatu yuwik.

Gatanggaman gatane takeakngaka gunzitdane waenga aknga binga anggaman yuwik. Ngan, gatane noman takngaka itakan tasiwan aanggaman siknga aminbamde kaine siwik. Unzing gunzitda banakan pakapu yuwan kakaa siknga singgak binga.

Gata kaanga dua natake gata musiptok nataayak taknga ateyo. Gata sangabamde nangaakanu dua natake gatu ma satnawim. Sanga waakngata ga waiakngaatangu ganitakuwan atasia.

Tupa na wawi matek ngana apmanu aminuake gwasit. Siwan ngana nata kawanu Anututa amin nomanu tapatue masa dua imunggak. Gatu amin nomanu tapatutane waatdakanata nanamu yamuningge dua yawan kaat. Wena siknga.

Gata nangaakanu sanga wai aminda tasikaingge ma natapim. Gatu gata waiaknga tasikaing amindane sangaapanae musipmaiu ma natapim.