Popular Bible Verses from Luk 19

Share

Yesus omnana hem, deti doa Sesoava lopshai monakoklariniva yetatanamba. Manara, yimba doa Sesoamba keknam pevna undnahonam lohvhoamni, os ten Apraham tomonapev lohvnam. Kava arana ombol lohv, kava prona hona petharam, sna indhanam silelwolalm, lopshalm, nom ten monakoklam engivm.

Una, Sesoa mendekli doa Yesusmba pusvundthoana kuwulalm, wo men himba sihav. Sesoa hemoa beswonam vrera. Sesoa indwonam avra, wo pioa hena nihilmoa okulivra.

Yesus omnana hem, deti doa Sesoava lopshai monakoklariniva yetatanamba. Manara, yimba doa Sesoamba keknam pevna undnahonam lohvhoamni, os ten Apraham tomonapev lohvnam. Kava arana ombol lohv, kava prona hona petharam, sna indhanam silelwolalm, lopshalm, nom ten monakoklam engivm.

Doa himba mi kohana, dandwonam os ganamba, tira vongo. Osm vevna, ata Yesusva men provav, ata hui kava nonglavav hemba. Doa Yesusva pronamba murapeta di no tira, hev nov vevongo ve, omnana, Sakius, yeoa lelnam holopeo, detiva kava ata yena deuvra livav. Doa Sakiusva lelnam holopenamba tiriniva, Yesusm hevna deuvram wainga, hev indk vethavna.

Deuvmera aevulvna, Sakiusva pho, hev omnana, mendekli, si kava beswonam vevav, wohva mindnam kavnamba kava si indhanam moang vinvra, nom ten ambo nis euvmona vevm. Eva nom nemet ten kav ambo nis di dombvnam taeksram, kava henga si esesm vinvav hemba, 4pelara 4pelarava sena hohlonginvav.

Monglava Varisinindva di lovahvna indhanahovra. Hev umnina Yesusm, pevna aonghal mahalnindm ongawolo, osva manam himba sna moanamba eishomnavra yemba. Yesus unna, owai, hona indhanamba moanghuiva lovahtava, doa honmba monariniva himba hev ambo ata moamba opievav, Sesoamba okulivav.