Popular Bible Verses from Luk 15

Share

Hev os nengna, doa nominiva os wohprona aralindamba. Himba mendah ehalla provna, aralva ona nov venga vena, nonglana, kana ombva os lohmana vewol vevna, teprovm. Doa aralva lihanamba hemba, lelnam ga, ombolm soltho avondra wavranahonam, mapotho ovravna.

Manara, kana ombolmba maim ona, doa dahana, heva os owai, doa himba proi. Seilva hemba hoai vena, heva os doa henga proi. Doa noi innemba hlavnamba, moa holothoavnam mindnam.

Sesoava eva os vevta, noi indhanarini men vevm, wo mongo indhanakoklariniva hevna indkoklamba wuleihatava, Sesoava si hemba mindnamba indk vethamnavav. Sesoava indk vithinvav espetava besal indhanamba 99pelaramba, temba indhana windel.

Doa henga hev beswonam nengna, kamba pon venav huiva, heva os kana arana andranindva himba innesra av. Kava ata henga gavav kavna araindam, wo omnavav, kava doa yemba indkokla vrowolna, vei yem eva Sesoam. Kava mani besal indhanarinima, wo yimba manam kamba osva omnavav, kana omb, owai. Os ambo kamoa nengthavm, kana andranindrini, wo kava yena andra vevra.

Doa ombol omnana, ara, kava yemba doa indkokla vrowolna, vei yem eva Sesoam. Wo manam yimba kamba osva omnavav, omb.

Doa Yesus olhmona unna, mongova yeriniva wonatava 100pelara sipsipmba, wo mongova hoai vetava, aralva no sipsipnamba es vevav? Himba wolanga vevav 99pelarava, ilm hlawuvulm, mongom silelguavav, hevpa ten hoai venam.