Popular Bible Verses from Jon 15

Share

“Ŋai man ai wain. Aŋ man ai wain raen. Ta ŋai lo imado tap, ŋai iŋ lo ŋumado dop, ate nuŋon ifu fufei wa. Aŋ ŋai lo tia yak man, aŋsem mel ta agane ilasa san dam tia geig a.

Ŋai lo amado wa. Ŋai dam aŋ lo ŋumado wa. Ai raen a luan te ta isatuani na yak man, nuŋon ifu san tia ya. Nek ago mi, aŋ dam ŋai lo amado wa, tia dop man, nuŋom ifu san tia geig a.

Gug aŋ ŋai lo amado dop, ŋaisag ru aŋ lo yen dop man, aŋanem ilom ibol ak ago mi mel niŋen o asumianag dop, ŋai ŋupanaŋ a.

Aŋ imug ŋai ta apilianag na ya. Man tia. Ŋai aŋ ŋipilianaŋ go ŋaisag ak ŋabol la ya. Ago yan lo aup urat nuŋon agane ilasa san ago kob ŋupanaŋ a. Ago dop aŋanem urat an nuŋon yen yau a. An lo mel ta wo ŋai yaŋag lo Bai asumiani dop man, iŋ ka ipanaŋ a.

Talpein enti a iŋ turan niŋen o iŋsan kumaen imoi ibiseig imat tap, iŋ kagin fidian nug niŋen o tamat san iriŋani a. Kagin an ilo panek san nuŋon mok a.

Ŋai raeg aenta nuŋod tia tap, abi muroun itartitip yabi yau a. Raen nuŋon anda yan ikubunep, didilan itute yau dop, iluŋanip, ate nuŋon wei mi ifu dop yen a.

Ŋaisag ru kubiaeŋ man igo ya, ŋai ilog ŋupanaŋ ak ago mi aŋ nug ilon apani wa.

Aria, aŋ nuŋom wei mi afu yak man, aŋsem ibilaŋ kuai tem alasag ŋaisag megeloum mok amado da, nek an lo Bai yaŋan tubun geig ilasa wa.

Jesus irupudaig ibol, “Ŋai man ai wain mok. Ŋaineg Bai man abi wain san muroun.

Talpein ta iŋ ŋai lo ta imado na dan, iŋ ai raen ibun ak igo ya. Ai raen ago man ditartitip, yai lo diabi yaup inani fufari yau a.

Ru ago ŋurupaiaŋ dan aŋ aloŋ dop, ŋaisag uyasusai aŋ ilom lo yen o ŋabol da. Agop aŋsam uyasusai an ilom lo anuap ida amado wa.

Ŋai Bai san ru kagin ŋuri ŋupani ak niŋen o, iŋsan ilo panek lo ŋumado da. Nek ago mi aŋ ŋaisag ru kagin an ari apani dop man, aŋ ŋaisag ilo panek lo mi amado wa.

Ŋaisag kubiaeŋ ŋurupaiaŋ duman nek en, aŋ nug niŋen o amat mok a.

Aŋ tan en san tamolpein sad muroudi dop man, aŋ niŋemi wo dumat pe, aŋ iŋsadi ak dubol a. Ak man aŋ tan en san tamolpein mok tia ya, tia, ŋai aŋ ŋipilianaŋ go aŋ ŋaisag a. Fun amaiak niŋen o tan en san tamolpein aŋ lo siai digane wa.