Popular Bible Verses from Matiyu 15

Share

Amma hayey kaŋ ga fatta mee ra si hun kala bine ra, wey ti hayey kaŋ ga boro žiibandi. Zama bine ra hongu futawey, nda borowiiyaney, nda zinayaney, nda woy nda aru izefututarawey, nda zaytarawey, nda taari seedetarawey, nda wowyaney ga hun.

Manʼti haya kaŋ ga huru mee ra no ma boro žiibandi, amma haya kaŋ ga hun mee ra, woo din no mʼa žiibandi.»

‹Alžamaa woo, miɲey de nda i gʼay beerandi, amma biney ga hanse ka mooru agay. Sujudu kaŋ i nʼa tee ya ne manʼti kala yaada, zama hayey kaŋ i gʼi cawandi manʼti kala borey yaamarey.›»

Isa zaabi ka nee woyoo se: «Woyoo, ni hanse ka naanay. Woo kaŋ nʼga baa ma tee.» Za alwaatoo woo, nga ize woyoo duu baani.

Woyoo kaa ka sujudu a se ka nee: «Ay Koyoo, ay faaba!» Isa zaabi ka nee: «A si boori boro ma zankey ŋaahayaa zaa kʼa warra hanši-izey se.» Woyoo nee: «Cimi no, ay Koyoo, amma hanši-izey ga meecindey ŋaa kaŋ ga kaŋ ka hun ngi koyey taabaloo boŋ.»