Popular Bible Verses from Mark e lɛl 6

Share

Ɛrm ɛsɛl a eke Jesu ɛrm a, ɛwl ow ɛtŋ eke -lʼokr es Jesu ab a, -nʼam ↄb juma a fɛŋ eke -li kokr a lele low a eke -li yɛgmn agŋ ab ab a ecʼamani -lʼok ow. Eke -nʼam dad ow odad a, agŋ nↄnↄ am ow ɛtŋ am ɛwl toŋ -nʼↄnymn abusu kaka fɛŋ eke -li kʼij ob; ɛtŋ Jesu dad in e jam ɛsɛl a ninɛ: «Òwr sʼímn saw ɛm aŋa, bake ébr sel tɛl.»

Ow sosiɛm li dad wɛl ninɛ: «Usu a fɛŋ wɛl bʼↄny kokoba ↄb ɛs ecʼɛlum, ekʼow elm in ecʼɛb a, in ecʼagŋ ɛm, lel in ecʼakŋ ab cɛ eke wɛl ↄ́nym in ecʼɛlum.»

Mijɛtŋ a bʼitr es eke Jesu bʼus es a, lʼɛkn agŋ nↄnↄ ekʼok es ɛsɛ mɛcɛb ekʼↄnym ↄsu ɛs af, ɛtŋ ɛl owi ↄnyʼn sↄrŋ. Ow sosiɛm, nʼam yɛgm wɛl ów nↄnↄ.

Jesu ↄtum kokm akrowa kaka Nasarɛt yogŋ, ekʼow elm ↄ́lu bɛb eke lʼat abu nuŋ ke ewl a. Ɛtŋ ɛb eyŋ a ecʼↄmn ↄnym a e low am atʼr sel. Ɛmɛny Jesu am ɛc baŋn baŋn a ekʼanŋ saw saw yogŋ a, ɛtŋ nʼam yɛgm agŋ low.

Jesu oc futufutu yen a lele ↄcn yony ab ab, lʼigbl any ogŋ afr, ɛtŋ lʼɛlu Nyam bia. Li bubr ɛm nʼↄŋ in e jam ɛsɛl a eke ki cɛc ↄŋ agŋ a. Li cɛc wɛl ↄcn yony a yɛji. Agŋ a fɛŋ ij ob a lok iy. Jam ɛsɛl a ot ekpr a eke wal es a as luku ɛtŋ ow iy mulu lɛw yony.