Popular Bible Verses from Mag 6

Share

Bininfob takpem le nan dan, biba nan chaan le biba mu jir hali ke Yisa nin u tooi kaa nan jɔɔ isaŋ nin bin ji. Ni ma bu le u nan bei bi ke, “Ni che ti jo kulɔŋ, ti binba, ki foor wama.”

Le Yisa bei bi ke, “Ulinlenn a tiŋin, nin u tɔɔl a ninfobin, nin u tɔɔl a niin yaabin a binba, le baa tenn u jilima.”

Yisa kaah nan nyan kuŋaluŋin yaan nin, ki miin bininfob pii lagin le ki mug, le kunyunyunbaag choo u takpem, bi binbem nan nann ipee yan kaa jɔɔ upeekpaar le. Le u nan piin iyaayoo nmɔn ki wɔɔn bi tibɔr takpem.

Waa nan fir tun ligaril a toon niin ni, bibaarib bi ŋa nan bu, le u nan ta u nɔɔ ki paan bi bu, le bi kan kutebug, amaa bininfobin kaah kaa nan ŋa u yada-n bu le ni nan gar u. Man le Yisa nan chonn ntinbumin ki wɔɔn Uwonbɔr a bɔr

Le u yuur boroboro-n nin ijan ilee-n, le ki waan lig paab, le ki poor Uwonbɔr, le ki war war boroboro-n ki ta sei u bɔɔnɔɔbin ke bin ta tol bininfob nmɔn na, le ki por por ijan ilee nmu, le bi tol bininfobin biɛn. Le bininfob n biɛn jin ki nan gbee ki sin gur. Le u bɔɔnɔɔb lagin tijiir tan gurin, ki gbeen tikachar piig nin tilee.