Popular Bible Verses from Galantiya 5

Share

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu, nin jiininba, ki kpiɛ choonba. Nsiim nba kaa ji be wee ki li bii ban tun nan ni.

N bei ni le, ni li nɔɔ Kinaaŋ a binbema, wee tigbanann a bir a kɔlisa a toon laa be nin ni.

Taah be kinaaŋin bu-n, ni che ti nɔɔ kinaaŋ nmɔn a tabogi.

Masiya kaah ye ban nin ta tigbanann a kɔlisa nin bi binben biimin biɛn ki kpaa lidapunpunl buu.

Tigbanann a binbem be npaan ni le, ni ma ye: Iwanchɔgin toon lipiibanlin bee lijabanlin, tijaginn a toon, nwanchɔgin binben, nin libawol manil nin kusɔɔg; kininaŋ, likɔnl, lipiiponl, liŋuul, npooton a bam, kumaabiyiɛrug, nbɔgirim, nin linunchɔril, lidanyugbeel, nin lidanyugbeel a toonbir, nin ban tun man a booli. N bei ni le ke maah pii nan bei ni man nin, ban tun man nmɔn kaa na li kɔɔ Uwonbɔr a naamin ni.

N nabum, Uwonbɔr le nan yin ni le ni kpann ban ye biba. Amaa ni li nyi ni nɔɔ ye nba nmɔn bu ki tun tigbanann a kɔlisa a toon; amaa ni li tun tenn tab nin njiɛma.

Tigbanann kaah ban nan nin kaa chee sei kinaaŋ kaah ban nan nin ni, le kinaaŋ mu kaah ban nan nin kaa chee sei tigbanann kaah ban nan nin ni. I kɔn nin tab le, ni ma le che naa fir tun naah ban nan ni.

Nsiim nmɔn biɛn li lagin ki ŋa lisiinjal lan len ke: “Li jiɛ a kunkɔɔn tab ke ŋaah jiɛ a ba man nin.”

Ni laa che ti li jɔɔ kalanbaani nin tab, bee ki fiin tab a ŋuui, bee ki li jɔɔ linunchɔril nin tabi.

Ye n ba bu le Masiya nan nyan ti tiyomirin. Mambu mann sir nbamɔma, ki laa ji ta tiyomir a naajadaag paan a baa bu.