Popular Bible Verses from Litoonl 4

Share

Nŋmarim kaa be u ba ban ni, le liyinl liba le kaa be dulinya nan yaan wee Uwonbɔr ta sei bininfob ke bin yin ki kan nŋmarimi, see Yisa a binba.”

Baah miɛ Uwonbɔr ki diɛ nan, le baah be kudiig kan a poolin nin degin. Le Kasi a Naaŋ gbeen bi biɛn nan, le bi pag Uwonbɔr a bɔr nin lipoobil.

Daandaan nan, Uyudaan lig baah fann ti man wee ki ter tim ban ye A toon tun nan wee ti fir pag A bɔr nmɔn nin lipoobil.

U ma le Uwonbɔr a gbɔŋ pag u bu ke, ‘Kudaag kan wee nim bitanmaab yiin, ki ma nan yin ye kijaantelig ŋaŋ.’

Biyudam nmɔn kaah nan kan Piita nin Jɔnn kaah jɔɔ sufu pɔɔril man nmɔn, ki biɛ ke bi ye bininfob ban kaa jon ntinnim nbamɔmi, ni nan gar bi le, le bi biɛ ke bijab nan nyi be nin Yisa u.

Biwonjiɛmin biɛn nan jɔɔ sufu uba nin potiɛl liba le. Bi ni uba kaa nan ŋmag waah jɔɔ nan ke ni ye u binba yaali, amaa bi nan por baah jɔɔ nan nmɔn tenn tab le.