Popular Bible Verses from མད༌ཐཱ༌ 3

Share

སྡིག༌པ༌ ཅོ༌ཅེས༌ སྤངས༌ཏེ༌ དཀོན༌མཆོག༌གི༌ ལམ༌མི༌ཀ༌ གྲུལ༌ཁན༌ནི༌ བྲས༌བུ༌ སྨིན༌ཅུག༌།

ཡང༌ ནམ༌ཁའ༌ནེ༌ སུང༌སྐད༌ཤིག༌གི༌ མོལས༌, “འི༌བོ༌ ནི༌ ངའེ༌ ཅེས༌པའེ༌ བུ༌ཚ༌ ཨིན༌, ཁྱོ༌རང༌ ཉམ༌པོ༌ ངའ༌ མ༌སྲན༌ཏྲེ༌ ཐད༌པོ༌ ཨིན༌།”

ཁྲུས༌ ནམས༌ཏེ༌ ཡེ༌ཤུ༌ ཆུའི༌ ནང༌ནེ༌ བིང༌ང༌ཅིག༌, ནམ༌ཁའ༌ བེ༌ཏེ༌, ཕུར༌གོན༌ཞིག༌གི༌ ཚུལ༌ལ༌ དཀོན༌མཆོག༌གི༌ ཐུག༌ཉིད༌ བབས༌ཏེ༌ ཁོང༌ངི༌ཀ༌ ཞུགས༌ས༌ ཛདས༌།

“ངའེ༌ ཁྱོ༌ཞའ༌ གྱོད༌པ༌ ཅོས༌ཏེ༌ དཀོན༌མཆོག༌གི༌ ཆོགས༌ལ༌ སེམས༌ གྱུར༌ཅེས༌ལ༌ ཆུའི༌ཁྲུས༌ ཏང༌ངད༌། ཨིན༌ནའང༌ ངའེ༌ སྟིང༌ནེ༌ སྐྱོད༌ཅེས༌ཅན༌, ཁོང༌ ངའེ༌ སང༌ མང༌ང༌ ཝང༌ཅན༌, ཡང༌ ང༌ ནི༌ ཞབ༌ཤི༌ ཙོགས༌ལ༌ ཁོང༌ངི༌ ཞབ༌པུལ༌ ཁུར༌ཅེས༌སི༌ འོས༌པ༌ མེད༌། ཁོང༌ངི༌ ཏམ༌པའེ༌ ཐུག༌ཉིད༌ དང༌ མེའེ༌ ཁྲུས༌སལ༌ཨིན༌།

ཤང༌ ཅོ༌ཤིག༌། སྟ༌རི༌ ནི༌ ལྕང༌མ༌གུན༌ནི༌ རྩའི༌ཀ༌ གྱབ༌ཆོག༌ཆོག༌ དུག༌, བྲས༌བུ༌ ཟང༌པོ༌ མ༌སྨིན༌ཁན༌ནི༌ ལྕང༌མ༌ ཚང༌མ༌ ཅད༌ཏེ༌ མེའེ༌ ནང༌ང༌ ཕང༌ཨིན༌།”

ལུང༌སྟོན༌པ༌ ཡེ༌ཤ༌ཡཱའེ༌ ཁྲུས༌སལ༌ཁན༌ ཡོ༌ཧཱ༌ནན༌ནི༌ སྐོར༌ལ༌ མོལ༌དུག༌, “རི༌སྟོང༌ངི༌ ནང༌ང༌ སྐད༌ ཆེན༌མོ༌ཞིག༌གི༌ མོལ༌ཨིན༌, ‘གཙོ༌བོ༌ ཕེབ༌ཤེས༌ལ༌ གྲལ༌གྲིག༌ ཅོས༌, ཡང༌ ཁོང༌ངི༌ ཕེབས༌ལམ༌བོ༌ ཀྲང༌པོ༌ ཅོས༌།’”