Popular Bible Verses from ལུ༌ཀ༌ 11

Share

ཁྱོ༌ཞ༌གུན༌ སྡིག༌ཅན༌ ཨིན༌ཨིན༌ནའང༌ རང༌ངི༌ ཕྲུ༌གུའ༌ ཕན༌ཐོགས༌ཅན༌ ཏང༌ཅེས༌ ཤེས༌སད༌ན༌, ཁྱོ༌ཞའེ༌ ནམ༌ཁའ༌ ཞུགས༌ཁན༌ནི༌ ཡབ༌བི༌ ཁོང༌ང༌ ཞུ༌ཝ༌ ཞུ༌ཁན༌གུན༌ལ༌ མང༌ང༌ ཕན༌ཐོགས༌ཅན༌ ཏམ༌པའེ༌ ཐུག༌ཉིད༌ མི༌སལ༌ལ༌?”

“ཏེ༌བོའེ༌ཕིའ༌ ངའེ༌ ཁྱོ༌ཞའ༌ ཟེར༌རད༌, ཞུ༌ཨིན༌ དུག༌ ཁྱོ༌ཞའ༌ སལ༌ལ༌ ཛད༌ཨིན༌, ཙལ༌ཨིན༌ དུག༌ ཁྱོ༌ཞའ༌ ཐོབ༌ཅུག༌ག༌ ཛད༌ཨིན༌, སྒོ༌ རྡུང༌ཨིན༌ དུག༌ ཕེའ༌ ཛད༌ཨིན༌།

ཞུ༌ཁན༌ ཚང༌མ༌ལ༌ སལ༌ལ༌ ཛད༌ཨིན༌, ཙལ༌ཁན༌ ཚང༌མ༌ལ༌ ཐོབ༌ཨིན༌, ཡང༌ སྒོ༌ རྡུང༌ཁན༌ ཚང༌མ༌ལ༌ ཕེའ༌ ཛད༌ཨིན༌།”

ཡེ༌ཤུའི༌ ཁོང༌གུན༌ལ༌ མོལས༌, “ཁྱོ༌ཞའེ༌ མོས༌ལམ༌ ཞུ༌ ཟ༌ནེ༌ འི༌ཟུག༌ ཟེར༌, ‘ཡབ༌ལེ༌, ཉེ༌རང༌ངི༌ ཚན༌ ཏམ༌པའ༌ མི༌ ཐམས༌ཅད༌དི༌ རྩི༌ཝ༌ ཅོ༌ཤིག༌། ཉེ༌རང༌ངི༌ གྱལ༌སྲིད༌ གྱོགས༌པ༌ ལེབ༌ཤིག༌།

ང༌ཞའེ༌ སྡིག༌པ༌ ཅོ༌ཁན༌གུན༌ལ༌ ཤགས༌པ༌ སལ༌ལ༌ ཛད༌, ཅིའ༌ཞུ༌ན༌ ང༌ཞའེ༌ གྱབ༌གལ༌ལ༌ སྡིག༌པ༌ ཅོ༌ཁན༌ ཚང༌མ༌ལ༌ ང༌ཞེའང༌ ཤགས༌པ༌ ཏང༌ངད༌། ཚོད༌ལྟའེ༌ ཏུས༌ལ༌ སྡིག༌པ༌ ཅོ༌ཅེས༌ནེ༌ ང༌ཞའ༌ སྐྱོབ༌བ༌ཛད༌།’”

ཞག༌ཏང༌ ང༌ཞའ༌ སྒོས༌དོམ༌མི༌ ཁར༌ཇི༌ སལ༌ལ༌ ཛད༌།

“ཁྱོ༌ཞའེ༌ མིག༌ ནི༌ ཟུགས༌སི༌ འོད༌པོ༌ ཨིན༌། མིག༌པོ༌ ཁམ༌ཟང༌ ཡོད༌ན༌, ཁྱོ༌ཞའེ༌ ལུས༌ གང༌པོ༌ འོད༌དི༌ གང༌ཨིན༌, ཨིན༌ནའང༌ མིག༌པོ༌ ཁམ༌ཟང༌ མེད༌ན༌, ཁྱོ༌ཞའེ༌ ལུས༌ གང༌པོ༌ མུན༌གྲིག༌གི༌ གང༌ཨིན༌།

“སུ༌ཞིག༌གིའང༌ འོད༌ ཏུགས༌ཏེ༌ སྦས༌ཏེ༌ ཡ༌ གོར༌མོའེ༌ ཡོག༌ག༌ མ༌བོར༌ར༌, ནང༌ང༌ ཡོང༌ཁན༌ ཚང༌མའེ༌ ཐོང༌ཅེས༌ལ༌ འོད༌སྟག༌གི༌ཀ༌ བོར༌ཨིན༌།”