Popular Bible Verses from གོ༌ཟུག༌ 25

Share

ཡ༌ཝའེ༌ ཁོའ༌ མོལས༌, “གྱལ༌ཁམས༌ ཉིས༌ ཁྱོ༌རང༌ངི༌ ནང༌ང༌ ཡོད༌, ཁྱོ༌རང༌ང༌ སྐྱེ༌ཁན༌ ཉིས༌ཀོ༌ མ༌ནེ༌ མི༌ཐུན༌། ཅིག༌པོ༌ ཞན༌བོའེ༌ སང༌ མང༌ང༌ ཤེད༌ཅན༌ ཡོང༌ཨིན༌, ཆེའ༌བོའེ༌ ཆུ༌ངུན༌བོའ༌ ཞབས༌ཏོག༌ ཞུ༌ཨིན༌།”

ཁོའེ༌ ཡ༌ཀོབ༌བ༌ ཟེརས༌, “ང༌ མ༌སྲན༌ཏྲེ༌ སྟོགས༌ས༌རག༌ ངའ༌ ཐུག༌པ༌ མར༌པོ༌ ཐུང༌ང༌ལ༌ ཏོང༌ངའང༌།” ༼ཏེ༌བོའེ༌ཕིའ༌ ཁོའེ༌ མིང༌ང༌ ཨི༌དོམ༌ ཐོགས༌ ཀ༌བོའེ༌ ཏོན༌ མར༌པོ༌ ཨིན༌ནོག༌།༽

ཨི༌སཱག༌གི༌ ར༌བེ༌ཀའེ༌ ཕིའ༌ ཡ༌ཝའ༌ མོས༌ལམ༌ ཞུས༌ ཅིའ༌ཟེར༌ན༌ ཁོའ༌ ཕྲུ༌གུ༌ མེད༌པིན༌། ཡ༌ཝའེ༌ ཁོའེ༌ མོས༌ལམ༌མ༌ ལན༌སལ༌ཏེ༌ ར༌བེ༌ཀ༌ སྐྱེ༌ཅེས༌མ༌ཞིག༌ གྱུར༌།

ཨི༌སུའི༌ ཟེརས༌, “ང༌ སྟོགས༌ཏེ༌ ཤི༌ཅེས༌རག༌, གོ༌སྐྱེས༌སི༌ ཐོབ༌ཏང༌ངི༌ ངའ༌ ཅི༌ ཕན༌ཐོགས༌ ཨིན༌?” ཡ༌ཀོབ༌བི༌ ཟེརས༌, “གོ༌མ༌ ནའ༌ ཁུར༌།” ཏེ༌ནེ༌ ཨི༌སུའི༌ ནའ༌ ཁུར༌ཏེ༌ ཁོ༌རང༌ངི༌ གོ༌སྐྱེས༌སི༌ ཐོབ༌ཏང༌བོ༌ ཡ༌ཀོབ༌བ༌ ཙོངས༌།

ཏེ༌སྟིང༌ནེ༌ ཁོའེ༌ ནོ༌ སྐྱེ༌ཁན༌བོའེ༌ ཨི༌སུའི༌ རྐང༌པའེ༌ སྟིང༌པའ༌ ཐམས༌ཏེ༌ ཡོད༌ པ༌སང༌ ཁོའེ༌ མིང༌ང༌ ཡ༌ཀོབ༌ ཏགས༌། ར༌བེ༌ཀའ༌ ཁོང༌གུན༌ སྐྱེ༌ ཟ༌ནེ༌ ཨི༌སཱག༌ག༌ ལོ༌ དྲུག༌ཅུ༌ ཆའད༌པིན༌།

ཨི༌སཱག༌གི༌ ཨི༌སུའ༌ མང༌ང༌ ཡ༌ཤ༌ ཅོའད༌པིན༌ ཅིའ༌ཟེར༌ན༌ ཁོ༌ ཨི༌སུའི༌ སད༌ཁན༌ནི༌ སེམས༌ཅན༌གུན༌ནི༌ ཤ༌ ཟའ༌ཅེས༌ལ༌ ཐད༌དད༌པིན༌ ཨིན༌ནའང༌ ར༌བེ༌ཀའེ༌ ཡ༌ཀོབ༌བ༌ ཡ༌ཤ༌ མང༌ང༌ ཅོའད༌པིན༌།