Popular Bible Verses from यूहन्‍ना 19

Share

वय्‌कलं पाउँति त्‍वने धुंकाः थथे धयादिल “आः सिधल।” अले वय्‌कलं छ्यं क्‍वछुनाः थःगु प्राण त्‍वःतादिल।

थुलि जुइ धुंकाः धर्मशास्‍त्रय् च्‍वयातःगु फुक्‍कं खँ पूवने धुंकल धकाः सीकाः येशूं “जितः प्‍याः चाल” धकाः धयादिल।

वय्‌कलं थः मां व थःम्‍हं माया यानातःम्‍ह चेलायात थःगु न्‍ह्यःने दनाच्‍वंगु खनाः थः मांयात धयादिल – “अय् नारी स्‍वयादिसँ, थ्‍व छिकपिनि काय् खः।” अले चेलायात नं वय्‌कलं धयादिल – “स्‍व, व छिमि मां खः!” अबलय् निसें व चेलां वय्‌कःया मांयात थःगु छेँय् यंकल।

येशूयाथाय् वःबलय् वय्‌कः सी धुंकूगु खनाः इमिसं वय्‌कःयागु तुति त्‍वमथू। अय्‌नं छम्‍ह सिपाइँनं ला वय्‌कःयागु बेक्‍वय् भालां सुया ब्‍यूगुलिं हि व लः बाः वल।

धर्मशास्‍त्रय् च्‍वयातःगु थ्‍व खँ पूवनेमा धकाः थथे जूगु खः – “वय्‌कःयागु क्‍वँय् छकुचा हे नं त्‍वधुली मखु।” मेथासय् नं थथे च्‍वयातःगु दु – “इमिसं भालां सूम्‍हय्‌सित इमिसं स्‍वये खनीतिनि।”

वय्‌कः थःगु क्रूस थःम्‍हं हे क्‍वबिया खप्‍परे धाःगु डाँडाय् झाल। थ्‍व थाय्‌यात हिब्रू भाषां “गलगथा” धाइ।

सिपाइँतय्‌सं कंयागु श्रीपेच दय्‌काः वय्‌कःयागु छेनय् पुइकाबिल। अले हानं वय्‌कःयात जुजुतय्‌गु थें प्‍याजीगु वसतं पुंका बिल।