Popular Bible Verses from यूहन्‍ना 16

Share

जिगुपाखें छिमित शान्‍ति दयेमा धकाः जिं थथे धयाच्‍वनागु खः। थ्‍व संसारय् छिमित दुःख जुइ, अय्‌नं साहस या, जिं संसारयात त्‍याके धुन।”

गुबलय् सत्‍य आत्‍मा झायादी, अबलय् छिमित फुक्‍क सत्‍य खँ सीके फय्‌के बी। वय्‌कलं थःगु हे जक खँ कनादी मखु, बरु छु छु न्‍यनादिल व हे जक कनादी। वय्‌कलं लिपा जूवइतिनिगु खँ नं कनादी।

आः तक छिमिसं जिगु नामं छुं हे मफ्‍वंनि। फ्‍वँ, अले छिमित दइ, थुकथं छिपिं आनन्‍दं जाइ।”

न्‍ह्यागु जूसां जिं सत्‍य खँ धाये, जि वनेगु हे छिमिगु निंतिं भिं जुइ। जि मवंकं छिमित ग्‍वाहालि बीम्‍ह छिमिथाय् झायादी मखु। अय्‌जूगुलिं जिं वनाः वय्‌कःयात छ्वयाहया बी। वय्‌कः झाये धुंकाः पाप छु खः, धार्मिकता छु खः व परमेश्‍वरया न्‍याय छु खः धयागु खँय् संसारय् च्‍वंपिनिगु दोष क्‍यनादी।

छिमित नं आः थथे हे दुःख ला जुइ। तर जि छिमित हानं नापलाः वये, अले छिपिं हानं लय्‌लय्‌ताइ। अले सुनानं छिमिगु आनन्‍द लाकाकाये फइ मखु। अबलय् छिमिसं जिके छुं हे न्‍यनी मखु। जिं छिमित खःगु खँ धाये – छिमिसं जिमि बाःयाके जिगु नामं न्‍ह्यागु फ्‍वंसां छिमित बियादी।

जिं छिमित खःगु खँ धाये – छिपिं ह्वाँय्‌ह्वाँय् ख्‍वय् मालीतिनि, संसारयापिं मनूत धाःसा लय्‌लय्‌ताइ। छिमित दुःख जूसां, छिमित जूगु थ्‍व दुःख सुखय् हिलावनी।