Popular Bible Verses from यूहन्‍ना 14

Share

“छिमित शान्‍ति बिया थके। जिं जिगु शान्‍ति छिमित बी। संसारं बीगु थज्‍याःगु शान्‍ति ला जिं छिमित बी मखु। छिमिसं नुगः मछिंके म्‍वाः, अले ग्‍याये नं म्‍वाः।

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

“छिमिसं नुगः मछिंके मते, परमेश्‍वरयात विश्‍वास याःथें जितः नं विश्‍वास या।

छिमित ग्‍वाहालि याइम्‍ह पवित्र आत्‍मायात जिगु नामय् बाःनं छ्वयाहयादी। वय्‌कलं हे छिमित माक्‍व खँ स्‍यनादी। अले जिं धयागु फुक्‍क खँ छिमित लुमंकाबी।

जिगु आज्ञा न्‍यनाः मानय् याःम्‍हय्‌सिनं जितः माया याइ। जितः माया याःम्‍हय्‌सित बाःनं नं माया यानादी। जिं नं वयात माया याये, अले जिं हे वयात सु खः धकाः क्‍यनाबी।”

जिं छिमित ग्‍वाहालि याइम्‍ह मेम्‍ह छ्वयादिसँ धकाः बाःयाके बिन्‍ति यानाबी। अले व छिपिंनाप सदां च्‍वनी। थ्‍व सत्‍य आत्‍मायात संसारयापिं मनूतय्‌सं ग्रहण याये फइ मखु, छाय्‌धाःसा इमिसं वय्‌कःयात खनी नं मखु, म्‍हसी नं मखु। छिमिसं धाःसा वय्‌कःयात म्‍हस्‍यू। वय्‌कः छिपिंनाप, अले छिमिके हे च्‍वनादी।”

जिगु नामय् छिमिसं न्‍ह्यागु फ्‍वंसां जिं छिमित बी। थुकथं काय्‌नं यानाः बाः तःधनी। जिगु नामय् छिमिसं न्‍ह्यागु फ्‍वंसां जिं छिमित बी।”

“छिमिसं जितः माया याःसा जिगु आज्ञा नं मानय् यानाच्‍वनी।

जिमि बाःयागु छेँय् च्‍वनेत यक्‍व थाय् दु। अथे मखुसा जिं छिमित धाये हे मखुनि। जि छिमित थाय् दय्‌केत वनाच्‍वना।

जि वनाः छिमित थाय् दय्‌के धुंकाः हानं वयाः छिमित जि च्‍वनेथाय् ब्‍वनायंके। अले छिपिं जिनापं च्‍वनी।

थोमां वय्‌कःयात धाल – “प्रभु, छि गन झायादी त्‍यना धकाः हे जिमिसं मस्‍यू धाःसा गथे यानाः छि झाइगु लँपु सीके फइ?”