Popular Bible Verses from यूहन्‍ना 10

Share

खुँ खुइत, स्‍यंकेत व स्‍यायेत जक वइ। तर जि इमित जीवन दयेमा, अले व यक्‍व जीवन दयेमा धकाः वयागु खः।

“जि भिंम्‍ह फैजवाः खः। भिंम्‍ह फैजवालं फैतय्‌गु निंतिं सीत तकं लिफः स्‍वइ मखु।

जिम्‍ह फैतय्‌सं जिगु सः ताइ, जिं इमित म्‍हस्‍यू, अले इपिं नं जिगु ल्‍यूल्‍यू वइ।

इमित जिं अनन्‍त जीवन बी। इपिं गुबलें नाश जुइ मखु। जिगु ल्‍हातं इमित सुनानं लाकायंकी मखु।

जि लुखा खः। जिगु लुखां दुहां वःम्‍ह बचय् जुइ, अले व दुनेपिने जुइ दइ, वयात ज्‍वयेत ख्‍यः नं दइ।

“जि भिंम्‍ह फैजवाः खः। अथे जूगुलिं जिं जिम्‍ह फैचात फुक्‍कं म्‍हस्‍यू, अले फैतय्‌सं नं जितः म्‍हस्‍यू।

इपिं जितः बियादीम्‍ह जिमि बाः दकलय् तःधंम्‍ह खः। बाःयागु ल्‍हातिं सुनानं इमित लाकायंके फइ मखु। जि व जिम्‍ह बाः छम्‍ह हे खः।”

गथे बाःनं जितः म्‍हस्‍यू, अथे हे जिं नं बाःयात म्‍हस्‍यू। अले फैतय्‌गु निंतिं जि थः हे तुं सिना बी।

जितः सुनानं स्‍याये फइ मखु, बरु जि थःयसें सिना बीत्‍यनागु खः। जि थथःम्‍हं तुं सीगु नं व हानं म्‍वाना वयेगु नं जिके अधिकार दु। जितः जिमि बाःनं बियादीगु आज्ञा नं थ्‍व हे खः।”

अय्‌जूगुलिं वय्‌कलं इमित हानं धयादिल – “जिं छिकपिन्‍त खःगु खँ धाये – फैगःयागु लुखा जि हे खः।

फै स्‍वयेत तयातःम्‍ह मनू फैथुवाः मखु, बरु फै ज्‍वयेत तयातःम्‍ह च्‍यः जक खः, गुम्‍ह गुँखिचा वःगु खनेवं फैत फुक्‍क त्‍वःताः बिस्‍युं वनी। अले गुँखिचां फैतय्‌त ज्‍वनाः लुया यंकी, अले छ्यालब्‍याल नं याना थकी।

“जिं छिकपिन्‍त खःगु खँ धाये – फैगलय् लुखां दुहां मवसे मेथासं वइम्‍ह मनू खुँ व दाखुँ खः।