Popular Bible Verses from न्‍यायकर्ता 16

Share

अले वं सःतल – “शिमशोन, पलिश्‍तीत थन दु।” वया न्‍ह्यलं चाल अले, “न्‍हापा थें पिने वनाः थःत मुक्त याये” धकाः मतिइ तल। तर थःत परमप्रभुं त्‍वःतादीगु खँ सी हे मसिल।

शिमशोनं परमप्रभुयात बिन्‍ति यानाः धाल, “हे परमप्रभु परमेश्‍वर, जितः लुमंकादिसँ। जितः हाकनं छकः जक बल बियादिसँ। जितः थःगु निगः मिखाया निंतिं थुपिं पलिश्‍तीतय्‌त छकलं बदला काय्‌के बियादिसँ।”

उकिं वं खःगु खँ धयाबिल। वं धाल, “बूसांनिसें परमेश्‍वरया निंतिं अलग तःम्‍ह नाजिरी जूगुलिं जिगु छेँनय्‌ आः तक ख्‍वःचा लाःगु मदुनि। जिगु सँ खात धाःसा जिगु बल जिकेनं वनी, अले जि मेपिं थें कमजोर जुइ।”

वं न्‍हियान्‍हिथं धया थें कचकच यानाः शिमशोनयात तसकं दिक्‍क चाय्‌कल।

वं धाल, “जि पलिश्‍तीतनापं हे सिनावने”। अले वं बलं फत्तले घ्‍वात, व देगः दुनाः उकिं उपिं पलिश्‍ती शासकतय्‌त व अन दुपिं मनूतय्‌त ल्‍हाकल। थःगु जिवंकाःछि स्‍याःपिं मनूत स्‍वयाः अप्‍वः मनूत शिमशोनं थः सीबलय् स्‍यात।