Popular Bible Verses from उत्‍पत्ति 50

Share

छिमिसं जितः स्‍यंकेत स्‍वल, परमेश्‍वरं थुकिया पलेसा भिं यानादिल। थौं झी फुक्‍कं गुकथं बचय् जुयाच्‍वना, व उकिया हे लिच्‍वः खः।

योसेफं इमित धाल, “ग्‍याये मते, जि छु परमेश्‍वर खः ला?

उकिं ग्‍याये मते। जिं छिमित व छिमि मचाखाचायात लही।” थुकथं वं थः दाजुपिन्‍त हपाः बिल।

‘छन्‍त मभिंकूगुलिइ छं छिमि दाजुपिन्‍त क्षमा या।’ उकिं आः छिकपिनि बाःया परमेश्‍वरया दासतय्‌त इमिसं याःगु द्वंबिद्वंया लागि क्षमा बियादिसँ।” थ्‍व न्‍यनाः योसेफ ख्‍वल।

सी न्‍ह्यः योसेफं थः दाजुकिजापिन्‍त धाल, “जि आः यक्‍व म्‍वाइ मखुत। परमेश्‍वरं छिमिगु बिचाः यानादी। अले छिमित थनं अब्राहाम, इसहाक व याकूबयात बचं बियादीगु देशय् यंकादी।”

अले योसेफं इमित पाफय्‌केबिल, “परमेश्‍वरं छिमित यंकादीगु देशय् जिगु अस्‍थि यंके धकाः जितः बचं ब्‍यु।”

थुकथं योसेफ सच्‍छि व झिदँ दय्‌काः मिश्रय् हे सित। वयागु म्‍हयात नस्‍वाः वःगु मलम पानाः बाकसय् तया तल।