Popular Bible Verses from उत्‍पत्ति 27

Share

परमेश्‍वरं छन्‍त आकाशं सुति गाय्‌काः बुँइ यक्‍व सय्‌काः आशिष बियादीमा। अले यक्‍व अन्‍न व दाखमद्य बियादीमा। थीथी जातिं छंगु सेवा यायेमा, मनूतय्‌सं छन्‍त भागि यायेमा, छं दाजुकिजाया छ मालिक जुइमा, छं किजापिन्‍सं छन्‍त भागि यायेमा, छन्‍त सराः बीपिं फुक्‍कसित सराः लायेमा, छन्‍त आशिष बीपिं फुक्‍कसिनं आशिष कायेमा।”

एसावं धाल, “वयागु नां याकूब तःगु पाय्‌छि हे जुल। वं निकः निकः जितः झंगः लाये धुंकल। वं जिगु तःधीम्‍ह काय्‌यागु अधिकार लाकाः काल, आः जिं कायेगु आशिष नं लाकाः यंकल। छिके आः जितः बीगु छुं हे आशिष ल्‍यं मन्‍त ला?”

इसहाकं वयात धाल, “छ च्‍वनीगु बँ अन्‍न सयेगु पाखें व आकाशं गाइगु सुति लः पाखें तापाइ। छ थःगु तरवारया बलं म्‍वाना च्‍वनेमाली। छं थः किजाया सेवा यायेमाली। गुबलय् छ थ्‍व पाखें हीचाइ उबलय् छं थःगु गःपतं वयागु ककुसिँ लिकयाः वांछ्वइ।”

एसावं हाकनं धाल, “छिके छगुलिं अप्‍वः मेगु आशिष मदु ला, बाः? जितः नं आशिष बियादिसँ।” अले व ततःसलं ख्‍वल।