Popular Bible Verses from प्रस्‍थान 15

Share

वय्‌कलं धयादिल, “छिमिसं थःपिनि परमप्रभु परमेश्‍वरया खँ ध्‍यान बियाः बांलाक न्‍यन धाःसा अले वय्‌कःया मिखाय् छु छु पाय्‌छि जू व यात धाःसा अले वय्‌कःया उजंयात न्‍हाय्‌पं बियाः न्‍यन धाःसा अले वय्‌कःया फुक्‍क नियमत बांलाक पालन यात धाःसा जिं मिश्रीतय्‌थाय् छ्वयाहयागु छुं हे ल्‍वय् छिमिथाय् छ्वयाहये मखु। छाय्‌धाःसा जि हे छिमित लंकाबीम्‍ह परमप्रभु खः।”

परमप्रभु हे जिगु शक्ति खः। वय्‌कलं जितः बचय् यानादी, वय्‌कः जिमि परमेश्‍वर खः, जिं वय्‌कःयात प्रशंसा याये। जिमि पुर्खाया परमेश्‍वर जिं वय्‌कःया नां तःधंके।

हे परमप्रभु, छि थें जाःम्‍ह सु द्यः दु धकाः? छि थें पवित्रम्‍ह सु दु धकाः? छि थें तःधंगु महिमां जाःम्‍ह व भय कायेबहःम्‍ह सु दु धकाः? छिं थें सुनां अजू चायापुगु ज्‍या क्‍यनेफु?

“छिं थःगु दया मायाय् थःम्‍ह त्‍वःतकादीपिं मनूतय्‌त लँ क्‍यनादीगु दु। थःगु बलं छिं इमित थः च्‍वनादीगु पवित्र थासय् यंकादी।

मारा धयागु थासय् थ्‍यंकाः इमिसं अनयागु लः त्‍वने मफुत, छाय्‌धाःसा अनयागु लः खाइसे च्‍वं। अथे जुयाः हे व थाय्‌यात मारा धयातःगु खः। अथे जुयाः मनूतय्‌सं “जिमि छु त्‍वनेगु?” धकाः मोशायात कचकच यात। अले मोशां परमप्रभुयात ग्‍वाहालिया निंतिं प्रार्थना यात। परमप्रभुं वयात सिँकुचा छकू क्‍यनादिल। वं उकियात लखय् वांछ्वल, अले लः सात। परमप्रभुं अन हे इमित छगू नियम बियाः स्‍यनेकने यानादिल। वय्‌कलं अन इमिगु विश्‍वास गुलि बल्‍लाः धकाः नं स्‍वयादिल।