Popular Bible Verses from MAKI 14

Share

É ɣɛni tea, “Aba, na ɣa ga kèea, faa pɛ ka zolowo è ya. Fai nii wudɛ ẁũ maazu. Na ƃalaa ɣɛɛvɛ gɛ̀ lɛ wõini zìi‐mai ɔ́ ɣɛ, kɛ̀ to mu è yii‐mai ɣɛ.”

A ɣɛ ɣi su wiɛ Gala feli ga tɛ‐ga ʋaa mɛ lɛ ziiti wo ma. Nu na ki‐gaa‐ziɛi ʋaavɛ bu ga fai ɣɛ, kɛ̀ nu ɣagi ɣa mazobo gɛ lɛ bɛ́.”

Gè bo wiɛ ga gaama, vɛ nɛpɛ woo niinɛ vagɔi nii ɣa wo na zui wɔlɔ‐kɔlɔ ma ɣaali, nii é kɛɛ towaa wo daa ɣigi‐yɛ faa ma nu ɣa.”

É ɣɛni te ma, “Maa‐wõi wala loovɛ mà zìi zu gìɛ ɣi gaa ziɛ ƃalaa ga gà vaazu zaazu. A yɛ vɛ wo ná maa ƃɛɛ.”

Tei sa te ɣɛni daa‐miigi wosu, Ziizɛ kpoolo‐ʋɔi ziɣini é zɛba é Gala feli é su ɣale‐ɣale é fe te ya é ɣɛ te ma, “A so. Màlɔtɔi ɣaa.”

É zɛba wɔnɔ é kpoale ŋɛnii ziɣi. Tei sa é mama feeni Gala bɛ, é teveni te wɔ. Te pɛ te kpoale su. É ɣɛ te ma, “Nii ɣa é ga deʋei màŋamai daa, nii puai nu lamaa ʋaa ma.

Ziizɛ ɣɛni sa te ma, “Wo pɛ wa ziɣi pele va. Toku ge zei ga ponɛvɛ Gala kɔlɔi zu Gala giɛ ɣɛ tea, ‘Gà baala‐maazu‐vɛtɛ nui vaa, na ɣa ɣɛɛ na baala kpulugi zu ɣa sa a yɛzɛ.’ ”

A wu ziɣi na a diɛ li. A wɛlɛ! Nui é wuloa ga kɔ̀wɔ wulu wɔɔ maa ƃuovɛ sa.”

Ziizɛ ɣɛ ma, “Gè bo yìɛ ga gaama, za ƃidii nii ƃɔɔƃɔɔ tɛɛ zinɛ ɔ́ vɛɛ wɔkwɛlɛda ɣɛɛzu fele, yà màʋaa zakpe ná zei‐zu ɣɛ sava.”