Popular Bible Verses from 1. Mosi 49

Share

Da zeptah soll nett vekk gnumma sei fumm Juda, un aw nett da kaynich shtokk funn zvishich sei fees, biss sellah kumd vo's ditzu heaht, un awl di leit sich zu eem henka zayla.

Da Joseph is vi en fruchtboahrah bohm, en fruchtboahrah bohm an en shpring; sei nesht langa ivvah di vand. Di bow-sheesah henn een veeshtahlich ohgepakt, si henn kshossa noch eem un henn een kast.

Avvah sei bow is fesht un shteik geblivva. Sei eahm voahra shteik gmacht, deich di hend funn demm Mechticha fumm Jakob; deich da Heedah, da Felsa funn Israel, deich dei faddah sei Gott es diah helft, deich da Awlmechticha es dich ksaykend hott mitt sayya drovva fumm himmel, mitt sayya es deef drunna leiya, mitt sayya funn di brusht un's muddahs-leib.

Juda, dei breedah zayla diah lohb gevva; dei hand zayld uf di hels funn dei feinda sei. Dei daett sei kinnah zayla sich nunnah bikka fannich diah. Juda, mei sohn, du bisht vi en yungah layb es doht gmacht hott, un gayt viddah zrikk. Vi en layb lost eah sich nunnah un laykt sich anna. Un vi mitt en layb, veah dayt drauwa ufshtay geyyich een.

Ruben, du bisht mei eahsht-geboahranah; mei graft, un da ohfang funn mei grefta. Du bisht da evvahsht in di eah un da evvahsht in macht. Avvah du kansht nett zrikk kohva sei, grawt vi vassah, un du solsht nimmi's evvahsht sei. Fa du bisht nuff in dei daett sei bett ganga, du hosht mei bett unrein gmacht.