Popular Bible Verses from Genesis 49

Share

Nes mepo irakinima pwoke ta king ara, ara kinlahi para kiya mawen kili Yutah pwi, pe yiy andre kiro king lang masih. Pe andre kiro kipoo kiya manne mbukena nes ara kisa. Pe hu ndramat para kol masih andre koro hilingi yiy opu.

Yosep ara irayah hiyan iya tehe hakou kei hira ndran ndrikou sih. Mbuwan ara ngara kirayah soyon iya. Pe ndrandran ara husinot iya naiwen, iyah, pe iroh iramburuhi kou. Pe hu ndramat para pahun iya tapuiwe ara hupopahun iya kili yiy, pe humbusi mwomwan iya kili yiy.

Hapeko kei tapuiwe ta Yosep ara niman kinhitan aliy pwi, pe ipwotisingiy iro nokun o, paratesah, pwoke namandran ta Ngindrai ta Yakop ara iro pe iyki pwoke iyatan. Ngindrai ara tehe Ndramat para pwokere yiy, pe tehe Pat sih para lohowan. Paratesah, Ngindrai ata tamam ara yiy pwokeyan iya pe ngara kisopwat wou. Pe yiy opu ngara kitoholi wou pe kiyki lomwes para paingan, pe lomwes para mbulu pwan, pe lomwes para hu kapo hu mbunah kaya soyon iya.

Yutah, nalim hu ara andre hu kasomwani wou, pe andre nimam kindrek koyu hu ndramat mepo humwisnani wou, Noru tamam hu kamai, ara andre hu katukuruhu kisatam. Yutah ara kaipisam tehe hamou noru layon, Ngara kira hu yohou, pe kiyan, pe ngara kimui kisa, pe sangin kipwoke; Ngara kiwayis pe ngara kimemere, pe hamou ndramat kinoho tandroindroi kiya mbulmaram pwi.

Rupen wou ara noru ndrohan, Uiki wou ara tandrohonga manoru wihou to; pe arakinima pwoke ato. Ngalam ara pwokeyan iya pe iyera hin iya. Pakut tam ara tehe non irah pwokeyan iya, pe kinlahi hamou para kisingoriy pwi, hapeko wou andre anto yokum tehe ndrohan pwi yoh. Paratesah, amatin iyasura nambuyu tamam, pe aiki masirai isa kili yo. Kultuw anmbusi ara mwomwan masih.