Popular Bible Verses from Maleko 12

Share

Yesu ye wane, “Teina laugagayo saesaekalilina ede: ‘Isalaela tamowaidiyao, kwa lapulapui! Guiyau yoda Yaubada, iya Guiyau kesega mo. Unai Guiyau yom Yaubada ku gadosisiyei ma nuwam ye gehe, ma yaluwam ye gehe, yo ma nuwanuwatum ye gehe, yo ma bayaom ye gehe.’ Teina ta laugagayo bagubagunana. Helabuina ede teina: ‘Kowa helem taumiya tamowaina ku gadosisiyei, doha ku bom ku gadosisiyeigo.’ Teina laugagayo labui ta se saekalili na kabo hekadi wa.”

Yesu yona hekahekatao ye yoganedima na ye hededelau udiyedi ye wane, “Ya hededemamohoi. Teina kwabuli ta kainauya lakilakikalilina ye tole, na kabo maudoidi ne. Matawuwuna ede siya yodi moni lakilakidi udiyedi na kabo hisa mo se haidi na se toledi, na iya yona deha unai yona moni maudoina kalinawai ye tolehegehe.”

Kabo Yesu ye tuli moni kabaꞌusaꞌusa dedekadiwai na ye kaikaikewa na boda se monimonitole. Tamowai monimonidi yodi moni lakilakidi se usaidi kabaꞌusaꞌusa wa kalodi udiyedi. Na kabo kwabuli dehadehana hesau ye laoma, na pene gagilidi labui ye usaidi. Pene labui wa lakidi meta se gagilikalili.

Yaubada bena ta gadosisiyei ma nuwada ye gehe, yo ma sonogada ye gehe, yo ma bayaoda ye gehe. Yo heleda taumiya tamowaina bena ta gadosisiyei, doha ta bom ta gadosisiꞌuyoida. Teina laugagayo ta se saekalili ede, na kabo kaitalasam gabugabudi yo kaitalasam hekadi.”

Yesu ye hededelau udiyedi ye wane, “Ena Sisa yona, kwa mosei Sisa unai, na ena Yaubada yona kwa mosei Yaubada unai.” Siya kabo Yesu se nokoeikaliliyei.