Popular Bible Verses from Matthew 7

Share

“Kiip deh aks, ahn unu gwain get; kiip deh luk, ahn unu gwain fain; kiip deh nak pan di duo, ahn di duo wi uopm fi unu.

Bikaaz evrybady weh aks, gwain get; dem weh luk, gwain fain weh dehn deh luk fah; ahn dem weh nak pan di duo, ih gwain uopm fi dem.

“So, enybady weh hier weh Ah tiich im, ahn den ihn obie, dah jos laik wan smaat man weh bil ihn hous pahn di rak.

“Aal taim unu fi du fi ada pipl jos wat yo wuda waahn dehn du fi yo, bikaaz dis dah weh di Laa ahn di uol taim prafit dem wende tel yu fi du.

Bot di giet smaal ahn di ruod naro weh ker yo tu laif, ahn dah jos wan likl bit a pipl fain ih!

“Gwaan iin chruu di naro giet. Bikaaz di ada giet waid ahn di ruod big nof fi ker yo tu distrokshan, ahn plenty pipl deh go iin chruu'ih.

No kya how yo bad, yo nuo seh yo wi gi gud tingz tu yo pikniny dem. So, ho moch muo unu Faada iina hevn gwain gi gud tingz tu dem weh aks im!

“Unu no fi joj, fi dehn no joj unu! Bikaaz di siem wie unu joj, unu gwain get joj. Ahn di siem amount unu kritisaiz dah di siem amount unu gwain get kritisaiz.

“Bot enybady weh hier weh Ah deh seh ahn no pie mi non main, dah jos laik wan fuul-fuul man weh bil ihn hous pahn di san.

Wai unu si di mata weh iina unu breda ai, bot unu no si di lag weh deh iina fi unu uon ai? Or, how unu gwain seh tu unu breda, ‘Mek Ah tek di straa outa yo ai,’ wen unu gat wan big piis a wuud iina fi unu uon ai?

“Luk out fi di faals prafit dem weh kom tu yo deh luk gud dres op, bot iina dehn haat dehn jos laik wan kraas wulf. Jos bai weh dehn du, yo gwain nuo dem. Nonbady no pik aaf griep ahn fig aafa maka trii, no chruut?

Dah di siem wie, aal di gud trii dem bier gud fruut, bot wan trii weh no gud bier suoso bad fruut.

Wan gud trii kyaahn bier bad fruut, ahn wan trii weh no gud kyaahn bier gud fruut.

Aal di trii dem weh no bier gud fruut gwain get chap dong ahn chruo iina di faiya.