Popular Bible Verses from John 10

Share

Di tiif ongl kom fi tiif ahn kil ahn mash'op. Bot mii wehn kom fi gi di shiip dem riil laif, ahn dat laif gwain bii wan uova gud laif bitout non en ataal!

“Ah dah di Gud Shepad weh gi ihn laif fi di shiip dem.

Mi shiip dem hier mi vais; Ah nuo dem, ahn dehn fala mii.

Ah gi dem laif weh gwain laas fareva, ahn dehn no gwain ded nontaim ataal. Ahn nonbady no gwain grab dem outa mi han.

Ah dah di Giet; enybady weh kom chruu mii gwain siev, ahn dehn gwain iebl fi go iin ahn out ahn fain wan plies weh plenty graas deh.

Bot Ai dah di Gud Shepad, ahn Ah nuo aal huu dah mi shiip dem, ahn dehn nuo mii

Mi Faada, weh gi mi di shiip dem, muo grieta an evrybady els, ahn nonbady no gwain grab dem outa fi him han niida. Mii ahn di Faada dah wan.”

jos laik how di Faada nuo mii ahn Ah nuo him. Ahn Ai gi mi laif fi di shiip dem.

Nonbady no tek fi mi laif fahn mi; dah mii weh giv it miself. Ah gat di powa fi gi mi laif weh, ahn Ah gat di powa fi get'ih bak agen. Dat dah weh mi Faada komaan mii fi du.”

So Jesus tel dem agen, “Ah deh tel unu di chruut: Ah dah di Giet weh di shiip dem hafy paas chruu.

Di wan weh dehn pie jos fi main di shiip dem dah no laik di shepad; ihn no uon di shiip dem niida. So, wen ihn si di wulf deh kom, ihn gwain lef di shiip ahn ron weh. Den, di wulf gwain kom ahn atak di shiip ahn skyata dem.

Jesus seh, “Ah deh tel unu di chruut: enybady weh no kom iina di shiip pen chruu di giet, bot trai fi klaim iin wan neks wie, him dah wan bad man weh deh luk fi tiif di shiip dem.