Popular Bible Verses from Genesis 15

Share

Ey kinulug nan Abram hu inhel APU DIOS, et humman ni nengulugan tu hu gaputun nengibilangan APU DIOS ni hi-gatun kayyaggud.

Entanni ey nampeang-ang hi APU DIOS nan hi Abram di i-innep tu et kantuy “Abram, entan takut mu yaggud baddangan daka tep hi-gak hu heni panhappiyaw mu niya iddawtan dakan panyaggudam.”

Et ipengulun APU DIOS hi Abram di dallin et kantuy “Itengaw mud kabunyan et bilangen mudda bittuwen hedin hambilang mu. Tep henin nunman ali kadinakkel ni helag mu e eleg mebillang.”

Ey kan APU DIOS ni hi-gatuy “Beken hi Elieser e bega-en mu memeltan ni binaknang mu tep yalli u-ungngam.”

Ey immehel hi APU DIOS e kantun Abram ey “Yallin edum ni aggew ey mekibbebley idalli helag mud edum ni bebley. Mambalin idallin himbut diman ni epat ni gatut ni toon et panhelheltapen daddalli.

Nem hinumang nan Abram e kantuy “APU DIOS e Eta-gey ni peteg, anin ni ippahding mudda huttan et endi damengu silbitu tep endi u-ungngak ni pengippebeltanan kuddan wadan hi-gak. Ebuh etan bega-en ku e hi Elieser e iDamascus hu dammutun memeltan ni kinedangyan ku.”

Et yan nunman ey kan APU DIOS nan hi Abram ey “Iddawat kuddallin helag mu eya puyek meippalpud pappeg ni Egypt ingganah di Wangwang e Euphrates e nambebleyan idan Kenite, yadda Kenissite, yadda Kadmonite, yadda Hittite, yadda Perissite, yadda Repaite, yadda Amorite, yadda Kanaanite, yadda Gergashite, niyadda Jebusite.”

Yadalli meikka-pat ni helag mu hu mambangngad eyad bebley. Yan nunman ali ey ihhi-met idan Amorite hu kalinawah da et kastiguen kudda.”