Popular Bible Verses from Huano 10

Share

—Aja bobotidepa botihijine, toponi nanadsoqquehijine, toponi tonatabaccorahijinera ccajona tahi. Naraha ohuapi toponi tonassiajadera occajonajaro, madija bodidenidsa madie bicanicca cajimanahissa tahijine.

Ohuapi edede cacahuade bicahi. Edede cacahuade bicahipa pocca edededsa tossiejehe da ina tani. Pocca edede tocassiejerahijinepa pohuana pohua ccaccora tahi.

Occa ededepa ohuatti nahatoqquiri nahi. Manaco ohua naqui pohuadenidsa onocco jidsera tani. Pohuadenipa ohuadsa jahiridsajari.

Ohuapi pohuadenidsa camittehe jiquejeranicca da onaridsajaro. Pohuadenipa paja dsoqquemanari-jarahitohui. Pohuadenipa ohuacahuabaqquihissa tajari. Odsepeccapa idinibaqquimana-jarahitohui.

—Ohuapi noccobiji ojani. Madija ohuadsa jajahidsima najaripa tossiejehe cajimanahitohui. Pohuadenipa pina occa ededessa quinajari. Dsomepa edede pohuadeni tadsaridsa jajahi tojedsimani nadsa cacahuadepa nahidsa ehecahuabaqqui najari. Ssiajapa cacahuade eheqquenabaqqui najari, dsero bicani jipamanahijine. Ohuapi occa madija ohuacahuabaqquihissa tajari −nade Jeso.

—Naraha ohuapi edede cacahuade bicahi ojani. Nema onajaropi madija ohuadsa toquejenajaripa ohuacahuabaqquijari. Occa Abipa ohuadsa nocco jidsera tahi. Ohua naqui occa Abi Pohuadsa onocco jidsera tani. Najarossa najaro ohuapi occa edededsa onocco jidsera tajaro. Manaco occa edede ohuadsa noccodeni jidseraqquiri najari. Nadsama ohuapi occa edede tocassiejerahijinepa ohuana ohua ohuaccoranijine.

Aja ohuadsa toquejenajaridenipa occa Abina ohuadsa inanaridsajari. Occa Abina deni tojajari. Naraha huapima motadenipa ajamani toquejenahi. Abi pohua dsepedsa toquejenadsapa idinibaqquimana-jarahitohui. Ohua occa Abi tedsejepi pina ojariassa inajaro −nade Jeso.

—Naraha ohuapi edede cacahuade bicahi ojani. Nema onajaropi madija ohuadsa toquejenajaripa ohuacahuabaqquijari. Occa Abipa ohuadsa nocco jidsera tahi. Ohua naqui occa Abi Pohuadsa onocco jidsera tani. Najarossa najaro ohuapi occa edededsa onocco jidsera tajaro. Manaco occa edede ohuadsa noccodeni jidseraqquiri najari. Nadsama ohuapi occa edede tocassiejerahijinepa ohuana ohua ohuaccoranijine.

—Aji odsoqquejaro naqui madija ohuahajine jerani. Ohuana ohua ohuaccoradsa ohua inanadsoqque-mananitohui. Occa camittehe ohuaccoranijine opajirani. Occa camittehedsa bacco onanipomanijine naqui opajirani. Ajijaro dossenijipi occa Abijine −nade Jeso.

Nadsapa Jeso madija mittamanahijine huati tapomade: —Pajissara tiadenidsa huati onana: Ohuapi edede tadsarihuajicca noccobiji ojani. Najaro noccobijidsapa edede jajahi tojedsima najari.

Naraha madija ohuahapa manaconitohuira edede ecahuabaqquidsa dsomaji ccajonahi qqui tadsapa edede inebobaqqui... joppa tahi caji tahi. Pohuapa edede jinede jarajari. Nadsapa edede inebobaqquidsapa dsomaji edededsa ssonaridsapa motapa tojaribaqqui tahi.

Nadsapa Jeso huati tapomade: —Pajissara tiadenidsa huati onajaro: Madijapa aja edede tadsaricca noccobijidsa toqquedsima-jaradsa noccobiji nohueranihuajina joppa todsimajaripa bobotide.