Popular Bible Verses from Ageini 27

Share

Akwao Rubanga emii toyo kame wok ki malo, kede lobo amio, kede emii engano atot kede bwini. Akwao be poore jo bed jotic nin, kede atekerin bed jo kame luro i nyimi. Akwao be in ibed kede loc i kom imiegu ni, doko ikwae ka toto ni miero lur i nyimi. Ilam arac mak jo kame lami kirac, kede winyo bed ne jo kame lamo ni winyo!”

Esau oko waco be, “Mam ebedo gi kopoore pi cako ne nyinge be Yakobo? Piento en etieko umere i nyinga nan odoko tien are. Oudo etero twero na me atin kao, nan doko etero winyo na da.” Di do eko penyo Isaka be, “Likame iweko nada winyo moro?”

Di papa mere Isaka oko dwoko ne be, “Neningo, paco nin bino bedo i lobo kalikame mio, kede kakame toyo me malo li kiye. Ibino kuo kede epima, doko ibino bedo ngatic ka omini, do kame ijemo ne, ibino turo ayoko kame eketo i nguti.”

Esau oko penyo papa mere be, “Papa, in itie kede winyo acel kenekene? Okwe papa miada winyo!” Esau oko donyo koko.