Popular Bible Verses from Mateo 15

Share

Piru yang kumpurming maglulua tung nganga na, duun nag̱aeyang tung sariling kinaisipan na ang pagkatapus ya ray pagpamansa tung sadili na ang indi ra magkabag̱ay tung pagterelengen yang Dios. Ay kipurki duun tung kinaisipan na nag̱aeyang yang pagtirimaen ang malalain ang ya ra kay maning pa tung panuw̱ul tung anyang mangimatay ra tung masigkatau na, ubin maglimbung da tung kasawa na, ubin mangumbaw̱ay ra ubin mangunlalii ra ubin manakaw ra, ubin manistigus da tung belag̱an kamatuuran, ubin magliw̱ak da tung aruman na.

Belag̱an ang mag̱aning ang yang magpapakled tung nganga yang sasang tau ang ya ray pagpamansa tung anyang indi ra magkabag̱ay tung pagterelengen yang Dios. Kung indi, yang maglulua tung nganga na yay pagpamansa tung anya,” ag̱aaning.

‘Yang mga taung naa, yang paggaralangen nira tung yeen, tung tumbung ka ilem yang mga dilak nira, ig yang rumbu yang mga isip nira alawid ang pisan tung yeen. Anda enged ang pisan ay kapulutan na yang pagturuuen nirang maning tia tung yeen, ay natetenged yang nag̱ipatuman nira tung mga kaarumanan nira ang ya ra ag̱aningay nirang mga katuw̱ulanu buat, ya ra ka ilem yang mga riglamintung inimu-imu ta mga masigkapariu ka ilem nirang mga tau,’” mag̱aning.

Mag̱aning ka ti Jesus ang minles, “Ay ipag, talagang durug dakul pala yang pagtalig mung atia tung yeen. Magkamaningana ra tung nag̱alelyag̱an mung atia,” mag̱aning. Numanyan tung uras kang lag̱ing atii nagmaayen da ka man yang ana nang baw̱ay.

Numanyan pagkagngel yang baw̱ay tia, dayun sing nagpalenget tung anyang nagluud tung pinagtalungaan nirang durua ang mag̱aning, “Aay ameey, ildaway kang taw̱angan,” ag̱aaning. Numanyan tung itinuw̱al ni Jesus, yang mga Judio ya ra ipananglitay na tung mga mamula ang mag̱aning, “Indi ra magkabag̱ay ang yang pamangan yang mga mamula ya pa iplekay tung mga kiru.” Mag̱aning ka yang baw̱ay ang nagtimales, “Kung tung bag̱ay, tama ka rin, Ameey. Piru maskin mga kiru ka man ilem, nag̱asibsib ka nganing yang mga mumu ang pagkarabugsu tung sirung yang lamisaan ang pamanganan yang mga ag̱alen nira.”