Popular Bible Verses from Luk 6

Share

Mpeleceje kwa ŵane mtuka mwakoloŵa magasa, nipo Mlungu tacimpa iyoyo peyo. Jwalakwejo tacimpa m'mwejo mpimo wambone, wegumbale, wecinyindile ni wakwasicila cenene. Pakuti mpimo uwowo umkusakamulicisya masengo pakwalamula ŵane, Mlungu tacikamulicisya masengo uwowo pewo pakumlamula jemanja.”

Mundu jwambone akusakoposya yambone kutyocela mcipanje cakwe ca yindu yambone ya mu mtima mwakwe, nambo mundu jwakusakala akusakoposya yakusakala kutyocela mcipanje cakusakala ca mu mtima mwakwe.

Nambo jemanja mwanonyeleje amagongo ŵenu ni kwatendela yindu yambone, soni mwakongosyeje pangajembecela kupocela cijongola yala. Naga mkutenda myoyo timcipocela mbote jajikulungwa, soni timcitendedwa kuŵa ŵanace ŵa Mlungu jwakupunda yosope yene. Pakuti Mlungu akusiŵatendela yambone ŵandu ŵangatogolela ni ŵa ulemwa wosope.

Mŵeje ŵa canasa mpela mwaŵelele Atati ŵenu ŵakwinani.”

“Mkasimwalamulaga ŵandu ŵane kuti ali ŵakulemwa, nipo Mlungu ngasamlamula m'mwejo. Mkasimwajimbaga ŵane magambo kuti jemanjajo ali ŵakulemwa. Mwakululucileje ŵane nipo Mlungu tacimkululucila.

“Nambo ngumsalila jemanja ŵimkumbikana kuti, mwanonyeleje amagongo ŵenu, ni kwatendela yambone ŵandu ŵakumŵenga jemanja. Mwapeje upile ŵakumlwesa, soni mwapopeleleje ŵele ŵakumsawusya.

Mwatendeleje ŵandu ŵane mpela mumkusacila kuti ŵane amtendeleje jemanja.”

Naga mundu akumputa pa lijeje, mumkunde kuti ampute pa lijeje linelyo soni. Naga mundu akumsumula mkanjo wenu, mumkunde kuti ajigale ni malaja gakwe. Naga mundu akumŵenda kandu, mumpeje. Soni naga mundu jwine akujigala yindu yenu, mkasimumsalila kuti ayiwusye.

Citela cambone ngaŵa mkusogola yisogosi yakusakala, atamose citela cakusakala ngaŵa mkusogola yisogosi yambone.

Citela cilicose cikusamanyika ni yisogosi yakwe. Pakuti ngaŵa mkukaŵa yisogosi ya mipeleya kutyocela mu yitela ya miŵa, kapena midodo kutyocela mu yitela ya nguju.