Popular Bible Verses from Yoh 7

Share

Mpela mugakuŵecetela Malemba kuti, Sulo sya mesi gakupeleka umi tisicikopoka mu mtima mwa jwalijose jwakukulupilila mwa une.”

Pa lisiku lyakumalisya ni lyalikulungwa lya cindimba Yesu ŵajimi ni ŵaŵecete mwakwesya maloŵe kuti, “Jwalijose jwajimkwete njota ayice kwa une kuti amwe.

Yesu piŵaŵecetaga yeleyi, ŵaŵecetaga ya Msimu wa Mlungu, welewu ni Msimu kwa ŵele ŵiŵamkulupilile Yesu ni ŵitaciwupocelaga. Pa jele ndaŵijo Mlungu ŵaliji mkinapelece Msimu kwa ŵele ŵiŵakulupilile, ligongo Yesu ŵaliji mkinamkomele pa msalaba, mkinamjimusye ku ŵawe ni kumpa ucimbicimbi.

Alece kulamula yindu mpela mwayikuwonecela, nambo alamuleje mwacilungamo mpela muyiŵelele yinduyo.

Mundu jwakuŵeceta ni macili ga msyene jikape akwamba kulijigalila ucimbicimbi wa msyene pejo basi. Nambo jwele jwakusosa lumbili lwa jwele pejo juŵamtumilejo ali jwakulupicika soni mwa jwalakwejo mwangali cilicose ca unami.

Yesu ŵajanjile kuti, Yingwiganyayi ngayikutyocela kwa une, nambo kwa Mlungu juŵandumile une.

Ŵandu pa cilambo capasi ngaŵa mkumŵenga jemanja, nambo akuŵengana ni une, ligongo masiku gosope ngwasalila kuti matala gawo gali gakusakala.