Popular Bible Verses from Yoh 19

Share

Yesu ŵamwele finyojo kaneko ŵatite kuti, “Yosope yene yitendekwe!” Kaneko ŵajinamisye mtwe wakwe ni ŵawile.

Yesu ŵamanyilile kuti yosope yene sambano yayice pambesi, nipo pakusosa kuti yitendece yigatite Malemba, jwalakwe ŵatite kuti, “Jingwete njota.”

Yesu ŵaweni mamagwe ni jwakulijiganya juŵamnonyelaga jula ali ajimi pelepo, myoyo ŵatite kwa mamagwe, “Jwalakweju ni mwanagwenu.” Kaneko ŵamsalile jwakulijiganya jula kuti, “Aŵa ni mama ŵenu.” Kutandila jele ndaŵijo jwakulijiganya jula ŵajigele mama ŵala ni kujaga kutama nawo kumangwakwe.

Nambo piŵayice pa Yesu, ŵamsimene ali awile kala, myoyo nganatemangula ngongolo syakwe. Nambope jumo jwa asilikaliwo ŵasomile mumbalati mwa Yesu ni lipanga lyakwe, nipo ndaŵi jijojo miasi ni mesi yakopwece yalumo.

Yeleyi yatendece myiyi kuti yiyalembedwe m'malemba yiŵe yakuwona yakuti: “Pangali atamose limo lya mawupa gakwe litacilitemangula.” Nipo pana malemba gane gigalembedwe kuti, “Ŵandu tacimlolecesya jwele juŵamsomile ni lipangajo.”

Ŵakopwece pasa, ali anyakwile msalaba wakwe, nipo ŵayice kumalo giŵagakolangaga kuti, “Malo ga Cikalakasa”. (Mu ciŵeceto ca Cihebeli gakusakolanjidwa kuti “Gologota”.)

Asilikali ŵapanganyisye cisoti ca ucimwene cakuluka kutyocela ku nyambi sya miŵa ni kum'weca mu mtwe mwakwe, kaneko ŵam'wecice mkanjo wa papo.