Popular Bible Verses from Yoh 12

Share

Naga jwalijose jwa jemanja akusosa kuti une mbe mbujegwe anguye une, kuti mpela ŵakundumicila ŵangu, akaŵe ni une kutingaŵe uneko. Myoyo Atati ŵangu tacimpa ucimbicimbi jwalijose jwakungamucisya une.

Ŵele ŵakuwunonyela ni kuwujumilila umi wawo taciwujasa, ni ŵele ŵakakuwunonyela umi wawo mcilambo capasi cino taciwusunga ku umi wangamala.*

Une ngumsalila jemanja yakuwona kuti: lusongolo lumo lwambeju ja tiligu lukasagamba kuŵa lumo pelo basi akaŵe jwine alupande mwitaka ni lukasawaga. Pati luwile, mpela mulukusatendelaga mula, kaneko lukusasogolaga songolo syejinji.

Mbice une ku cilambo capasi mpela mundu jwakutendesya kuti lilanguka liŵale pa ŵandu, kuti jwalijose jwakukulupilila mwa une akasatama kose mcipi.

Naga jwine akugapikana maloŵe gangu nambo ngakupikanila yinamsalileyo kuti ayitende, une ngasinimlamula. Nganimbika ku cilambo capasi kuti nalamule ŵandu iyayi nambo kukwakulupusya.

Kaneko Maliya ŵajigele mawuta gakununjila ga mtengo wapenani litika lya lita jimo giŵasumile ni mbiya syapawinji gakupanganya ni sipikenadi jwakununjila, ŵagapungulile pa sajo sya Yesu, nipo ŵasipukwite sajosyo ni umbo syakwe. Liwungo lyakununjila cenene lya mawutalyo lyagumbele m'nyumba josope jene.

Myoyo ŵajigele nyambi sya yitela ya kanjesa ni kopoka kukumcingamila acitandikaga nyambisyo mumsewo. Ŵaliji mkugumila kuti, “Amcimbicisye Mlungu! Mlungu ampe upile jwele jwakwisa mu lina lya Ambuje! Mlungu ampe upile mwenye jwa Isalaeli!”

Yesu ŵatite kwa ŵandu wosope ŵene ŵiŵaliji pelepo, “Sambano ndaŵi jiyice jakuti Mlungu alosye pakulanguka lumbili lwa Mwanace jwa Mundu.*