Popular Bible Verses from Gen 22

Share

Abulahamu ŵagapele malogo lina lyakuti, “AMBUJE ŵapelece.” Mpaka sambano jino ŵandu akugakolanga gele malogo kuti, “Petumbi lya AMBUJE tacipeleka.”

“Mumjigale mwanace jwenu Isaki, mwanace jwenu jumo jumkasimumnonyela mnope jula, ni mjawule najo ku cilambo ca Moliya. Mkampelece mwanacejo mpela mbopesi jakutinisya, petumbi litingamlosye kweleko.”

Kaneko lilayika lila lyatite, “Mkasimumwulaga mwanacejo, atamose kumtenda kandu kalikose. Pakuŵa sambano manyilile kuti m'mwejo mkusimumjoga Mlungu ligongo nganimumkanya Mlungu mwanace jwenu jumopejo.”

Abulahamu ŵajanjile kuti, “Mlungu msyene takapelece mwanace jwangondolojo.” Nipo ŵapelengenye kwenda ulendo wawo yalumo.

Tinampe yisukulu yejinji mpela ndondwa sya kwinani, ni mpela soni mcenga mungulugulu nyasa. Yisukulu yenuyo tiyicapunda amagongo wawo pa ndaŵi ja ngondo. Nipo mitundu josope ja ŵandu ŵa pa cilambo capasi, tijicipata upile kupitila mwa yisukulu yenu, ligongo m'mwejo mgapikene maloŵe gangu.”

Piyamasile ayi yinduyi, Mlungu ŵamlinjile Abulahamu.* Nipo ŵamŵilasile kuti, “Abulahamu!” Abulahamuwo ŵajanjile kuti, “Ee, AMBUJE.”*

Nambo lilayika lya AMBUJE lyamŵilasile kutyocela kwinani licitiji kuti, “Abulahamu, Abulahamu!” Jwalakwejo jwajanjile kuti, “Ee, Une ndili apano.”

Lilayika lya AMBUJE lila lyamŵilasile soni Abulahamu kaŵili kutyocela kwinani, lyatite kuti, AMBUJE akusala kuti, “Une ngulumbila kuti tinampe upile m'mwejo, ligongo nganimunganya mwanace jwenu jumope jula.

Piŵayice pa malo gaŵasalile Mlungu gala, Abulahamu ŵataŵile malo gakupelecela mbopesi, ni ŵaŵisile sasu pacanya pakwe. Kaneko ŵamtaŵile Isaki, ni ŵamgonece pacanya pa sasu syaliji pacanya pa malo gakupelecela mbopesi.