Popular Bible Verses from Mako 9

Share

Yesu yaamugira ati: Wangira ngu, Ku ndaabe nimbaasa! Eego, byona nibibaasika ahari ogwo orikwikiriza.

Ahonaaho ishe w'omwana yaagamba munonga ati: Niinyikiriza! Onkize obutaikiriza bwangye!

Ku baataahire omu nju, abeegi be baamubuuza omu mubonano, bati: Itwe ahanki tutaabaasa kumubinga? Yaabagarukamu ati: Daimoni ow'omuringo nk'ogu tarikubingwa kindi kureka okushaba n'okwesiibyakwo.

Omwonyo ni murungi; mbwenu ku guraabe guhweirwemu ensha, muryagigaruramu muta? Imwe mugire omwonyo omu mitima yaanyu, kandi mugire obusingye omuntu na mugyenzi we.

Weena orikwakiira omwe aha baana bato nk'ogu omu iziina ryangye, biri niinye ayakiire; kandi n'omuntu weena orikuunyakiira, tiinye arikwakiira, kureka Ogwo owantumire.

Kandi omuntu weena oribaha enkyeka ya'amaizi ahabw'okuba aba Kristo, buzimazima nimbagambira nti: Tariimwa bihembo bye.

Omuntu weena orireetera omwe ahari abo bato abarikuunyikiriza kukora ekibi, haakiri ogwo okubohwa orubengo omu bitsya, akanagwa omu nyanja.

N'eriisho ryawe ku riraabe nirikureetera kukora ekibi, oriihemu; haakiri iwe okutaaha omu bukama bwa Ruhanga oine eriisho rimwe, okukira okuza Gehena oine amaisho gombi.