Popular Bible Verses from Mako 6

Share

Yaazigira ati: Mwije aheekiikire twehereere, muhuumureho; ahakuba hakaba hariho baingi abaabaire nibaija kandi nibagyenda; n'ahabw'ekyo Yesu n'abeegi be baabura omwanya nangwa n'ogw'okurya.

Yesu yaabagira ati: Nabi weena tabura kitiinisa, kureka omu ihanga ryabo, n'omu ruganda rwabo, n'omu ka ye.

Ku yaayambukire enyanja, yaashanga aho omutwe gw'abantu baingi, yaabagirira esaasi, ahabw'okuba bakaba bari nk'entaama ezitaine muriisa; yaatandika kubeegyesa bingi.

N'ahabw'ekyo tarabaasize kukorerayo ky'okutangaaza kyona, kureka akata engaro aha barwaire bakye, yaabakiza. Yaatangaara ahabw'okutaikiriza kwabo. Bwanyima yaagyendagyenda omu birorero, naayegyesa.

Yaakwata egyo migaati etaano n'eby'enyanja bibiri, yaareeba ahaiguru, yaasiima, yaabega emigaati, yaaheereza abeegi be ngu bagite omu maisho g'abantu; n'eby'enyanja ebyo byombi yaabibaha boona. Boona baarya, baahaaga. Bwanyima baatorotoora oburagarika bw'emigaati n'eby'enyanja, baijuza ebitenga ikumi na bibiri.