Popular Bible Verses from Mako 2

Share

Yesu ku yaabihuriire, yaabagarukamu ati: Abahuriire tibeetenga mufumu, kureka abarwaire; tindaizire kweta bahikiriire, kureka abasiisi.

Yesu ku yaareebire okwikiriza kwabo, yaagira ozingazingirwe ati: Mwana wangye, ebibi byawe byakusaasirwa.

Yaabagambira ati: Sabato ekateebwaho ahabw'abantu; kwonka ti bantu ahabwa Sabato.

Ku baabuzire ah'okuraba kuhika ahari Yesu ahabw'omutwe gw'abantu, baakambura aha mutwe gw'enju aharinganiire n'ahu Yesu yaabaire ari; ku baaherize kuhakambura, baashuumizaho ozingazingirwe omu ngozi, ei yaabaire arimu.

Kwonka mumanye ngu Omwana w'omuntu aine obushoboorozi aha nsi okusaasira ebibi, yaahindukira ozingazingirwe yaamugira ati: Ninkuragiira nti: Imuka oyekorere engozi yaawe, otaahe.

Ekirikurahuka ni kiiha, okugira ozingazingirwe nti, Ebibi byawe byakusaasirwa; nari okugira nti, Imuka oyekorere engozi yaawe, ogyende?

Yaimuka, ahonaaho yaayekorera engozi ye, yaashohora omu maisho gaabo boona; kyabatangaaza boona, baahimbisa Ruhanga nibagira bati: Eki tikikareebwaga!