Popular Bible Verses from Mako 16

Share

Yaabagira ati: Mugyende omu nsi zoona, mubuurire engiri ebihangirwe byona.

Obumanyiso oburiguma nibureebwa omu barikwikiriza n'obu: omu iziina ryangye baryabinga baadaimoni, baryagamba endimi nsya; baryakwata enjoka, kandi ku barinywa ekirikwita kyona, tikiribarwaza; baryata engaro aha barwaire, bakire.

Oriikiriza akabatizibwa, aryajunwa; kwonka otariikiriza, aryasingwa orubanja.

Nabo baashohora, baagyenda hoona hoona nibabuurira ekigambo kya Ruhanga, Mukama waitu ari hamwe nabo naabakwatsa, kandi naahamya ekigambo ekyo n'obumanyiso obwabaire bukikomookaho.

Yaabagambira ati: Mutatangaara; nimusherura Yesu owa Nazareesi obambirwe. Yaazooka, tari aha; mureebe n'omwanya ahu babare bamutaire.

Ku baanagire amaisho, baareeba eibaare rikumbagaziibwe hangahari; ahakuba rikaba riri rihango munonga. Ku baataahire omu kituuro, baareeba omutsigazi ashutami aha rubaju rwa buryo, ajwaire omwenda gurikwera; baatangaara.