Popular Bible Verses from Matayo 5

Share

Kandi tihaine okongyeza etabaaza, akagijuumikira ekiibo, kureka agita aha kikondo kyayo kumurikira ab'omu nju boona. Omushana gwanyu gube nikwo gwajwa gutyo omu maisho g'abantu, bareebe emicwe yaanyu emirungi, babone kuhimbisa Shoimwe ori omu iguru.

Imwe muri omushana gw'ensi. Orurembo orwombekirwe aha rushozi tirubaasa kusherekwa.

Baine omugisha abashemeire omu mutima, ahabw'okuba abo baryareeba Ruhanga.

Baine omugisha abagiria, eby'okuhikiirira enjara n'eiriho, ahabw'okuba abo baryahaaga.

Kwonka nyowe nimbagambira nti: Mukunde abazigu baanyu, kandi mushabire n'abarikubahiiga

Baine omugisha abooro omu mutima, ahabw'okuba abo obukama bw'omu iguru n'obwabo.

Baine omugisha abagarukanisa abantu, ahabw'okuba abo baryayetwa abaana ba Ruhanga.

Baine omugisha abaganya; ahabw'okuba abo baryahuumuzibwa.

Baine omugisha abahiigwa ahabw'okuhikiirira, ahabw'okuba obukama bw'omu iguru n'obwabo.

Baine omugisha abanyambabazi, ahabw'okuba abo baryagirirwa embabazi.

Imwe mwine omugisha ku baribajuma, ku baribahiiga, ku baribabeiherera ekigambo kyona ekibi nibabantura. Mushemererwe, mwesiime munonga; ahabw'okuba ebihembo byanyu biryaba bingi omu iguru; kandi nikwo baahiigire batyo baanabi abaabandize imwe.

Baine omugisha abacureezi; ahabw'okuba abo baryahungura ensi.

Imwe muri omwoyo gw'ensi; beitu ku guraabe guhweirwemu ensha, muryagigaruramu muta? Niguba gutakiiine mugasho, kureka okunagwa aheeru, abantu bakaguribatiirira.

N'ahabw'ekyo mube abahikiriire nka Shoimwe ori omu iguru oku ahikiriire.

Kwonka ebigambo byanyu bibe, Eego, Eego, nari Ngaaha, Ngaaha; ahakuba ebirikukira ahari ebyo biruga aha Mubi.

Mukahuria ku kyagambirwe ngu: Eriisho riryarihwa eriisho; kandi eriino riryarihwa eriino. Kwonka nyowe nimbagambira nti: Otarirwana n'omuntu mubi. Omuntu weena orikuteera oruhi rw'omushaya gwa buryo, omuhindurire ogwa bumosho

N'eriisho ryawe rya buryo ku riraabe nirikureetera kukora ekibi, oriihemu, orinagye; haakiri okufeerwa ekicweka kyawe kimwe, okukira omubiri gwawe gwona okunagwa omuri Gehena. Kandi omukono gwawe gwa buryo ku guraabe nigukureetera kukora ekibi, ogutemeho, ogunagye; haakiri okufeerwa ekicweka kyawe kimwe okukira omubiri gwawe gwona okunagwa omuri Gehena.