Popular Bible Verses from Matayo 21

Share

Byona ebi muryenda omu kashaba kwanyu, mwabishaba mwine okwikiriza, muryabiheebwa.

Yesu yaabagarukamu ati: Buzimazima nimbagambira nti: KU murigira okwikiriza, mutarikubanganisa, timurikora eki ekyakorwa aha mutiini ogwo kyonka; nangwa n'obu muriragiira orushozi oru muti, Tsinduka onagwe omu nyanja, nikwo kiriba kityo.

Abaamushendekyereize bamwebembeire, n'abandi bamuri enyima nibagyenda nibeeshongora n'eiraka rihango, nibagira bati: Hosana aha Mwana wa Daudi! Orikwija omu iziina rya Mukama asiimwe! Hosana ahaiguru ya byona!

yaabagira ati: Kikahandiikwa ngu, Enju yangye eryayetwa enju y'okushabiramu; mbwenu imwe mugihindwire nk'enyanga y'abambuzi.

Mugambire Saayuuni muti: Reeba, Mukama waawe naija ah'ori, Omucureezi, atembire endogoya, Endogoya nto, omwana gw'endogoya.

Yesu yaababuuza ati: Timukashomaga omu Byahandiikirwe ngu, Eibaare eri abombeki baayangire Niryo ryahindukire erikuru ery'obuhamizo bw'enju; Ekyo kikaruga ahari Mukama, Kandi n'eky'okutangaaza omu maisho gaitu.

Nikyo ndikubagirira nti: Obukama bwa Ruhanga buryabaakwa, buheebwe eihanga eririkwana ebyana byabwo.