Popular Bible Verses from Matayo 15

Share

Kwonka ebiruga omu kanwa biba nibiruga omu mutima; ebyo nibyo bishiisha omuntu. Ahabw'okuba omu mutima nimwo haruga ebiteekateeko bibi, okwita, okushambana, okwiba, okubeiherera abandi, okujuma

Ekitaaha omu kanwa tikyo kishiisha omuntu; kureka ekiruga omu kanwa, nikyo kishiisha omuntu.

Ab'eihanga eri nibampa ekitiinisa ky'aha minwa, Kwonka emitima yaabo endi hare. Bandamiza busha, Ahakuba okwegyesa, oku beegyesa, kuba okw'ebiragiro by'abantu.

Yesu yaamugarukamu ati: Mukazi 'we, okwikiriza kwawe kwingi; kibe nk'oku orikwenda. Okuruga aho muhara we yaakira.

Omukazi yaagaruka yaamuramya naagira ati: Mukama wangye, mpwera. Yaamugarukamu ati: Ti kirungi omuntu kwaka abaana eby'okurya, akabitambikira embwa. Omukazi yaamwikiriza ati: Eego, Mukama wangye, kwonka embwa nazo zirya oburagarika oburagara niburuga aha meeza ya mukama waazo.